БІШКЕК. Цэнтравыбаркам Кіргізстану пазбавіў сёньня дачку былога прэзыдэнта краіны Бэрмэт Акаеву дэпутацкіх паўнамоцтваў. Адпаведная пастанова прынятая пасьля вывучэньня скаргаў аб парушэньнях выбарчага заканадаўства. Вынікі галасаваньні ў акрузе, дзе балятавалася Акаева, прызнаныя несапраўднымі. Раней Акаева першай зь сям’і экс-прэзыдэнта вярнулася ў Кіргізстан пасьля зьмены ўлады.