Цырымонія ўзнагароджаньня дыплёмамі і мэдалямі Праведнікаў народаў сьвету праходзіла ў Ізраільскім культурна-інфармацыйным цэнтры ў Менску. Гэта першае ўручэньне такіх узнагародаў беларускім грамадзянам пасьля аднаўленьня дзейнасьці амбасады Ізраілю ў Менску ў сьнежні мінулага году. Гаворыць амбасадар Ізраілю Зэеў Бэн-Ар’е:
(Бэн-Ар’е: ) “Гэта зьвязана з Днём Перамогі, гэта зьвязана з Днём Незалежнасьці Ізраілю, які адзначаўся ўчора. І гэта зьвязана з аднаўленьнем працы амбасады Ізраілю ў Менску. Мы лічым гэта адным з найважнейшых і пачэсных абавязкаў. Мы сёньня ўручаем дзевяць граматаў і мэдалёў. На вялікі жаль, час ідзе — і ўсё больш і больш узнагароджаньняў пасьмяротна. Бо праведнікі паміраюць, і мы ўручаем граматы і ўзнагароды іх дзецям і ўнукам”.
Сярод узнагароджаных сёньня новых беларускіх праведнікаў прысутнічала толькі адна жанчына, якая ў гады вайны ратавала сваю габрэйскую сяброўку і яе маці. Вось што распавяла ў інтэрвію беларускай “Свабодзе” 80-гадовая Ганна Хамінцэвіч зь вёскі Даманавічы Салігорскага раёну:
(Хамінцэвіч: ) “Яны ў мяне жылі шэсьць тыдняў, мы іх хавалі. А гэта быў мароз вялікі. Летам яны былі на паддашку, а зімой мой бацька запаліць печку-грубку — і яны, бедныя, сядзяць у чадзе, а потым у хату прыходзілі. А сусед прыйдзе, дык кажа: ганіце іх, бо вас пазабіваюць. А мы ўсё роўна іх глядзелі. Глядзелі, пакуль прыехалі немцы, а мы сказалі, што яны ўжо сышлі ў партызаны”.
Усе імёны новых узнагароджаных беларускіх Праведнікаў народаў сьвету будуць напісаныя на адмысловай сьцяне ў Ерусалімскім мэмарыяльным інстытуце катастрофы і гераізму эўрапейскага габрэйства “Яд Вашэм”. З пачатку 1990-х гадоў больш за 550 грамадзянаў Беларусі сталі кавалерамі гэтай узнагароды.
На здымку -- Праведніца сьвету Ганна Хамінцэвіч
(Бэн-Ар’е: ) “Гэта зьвязана з Днём Перамогі, гэта зьвязана з Днём Незалежнасьці Ізраілю, які адзначаўся ўчора. І гэта зьвязана з аднаўленьнем працы амбасады Ізраілю ў Менску. Мы лічым гэта адным з найважнейшых і пачэсных абавязкаў. Мы сёньня ўручаем дзевяць граматаў і мэдалёў. На вялікі жаль, час ідзе — і ўсё больш і больш узнагароджаньняў пасьмяротна. Бо праведнікі паміраюць, і мы ўручаем граматы і ўзнагароды іх дзецям і ўнукам”.
Сярод узнагароджаных сёньня новых беларускіх праведнікаў прысутнічала толькі адна жанчына, якая ў гады вайны ратавала сваю габрэйскую сяброўку і яе маці. Вось што распавяла ў інтэрвію беларускай “Свабодзе” 80-гадовая Ганна Хамінцэвіч зь вёскі Даманавічы Салігорскага раёну:
(Хамінцэвіч: ) “Яны ў мяне жылі шэсьць тыдняў, мы іх хавалі. А гэта быў мароз вялікі. Летам яны былі на паддашку, а зімой мой бацька запаліць печку-грубку — і яны, бедныя, сядзяць у чадзе, а потым у хату прыходзілі. А сусед прыйдзе, дык кажа: ганіце іх, бо вас пазабіваюць. А мы ўсё роўна іх глядзелі. Глядзелі, пакуль прыехалі немцы, а мы сказалі, што яны ўжо сышлі ў партызаны”.
Усе імёны новых узнагароджаных беларускіх Праведнікаў народаў сьвету будуць напісаныя на адмысловай сьцяне ў Ерусалімскім мэмарыяльным інстытуце катастрофы і гераізму эўрапейскага габрэйства “Яд Вашэм”. З пачатку 1990-х гадоў больш за 550 грамадзянаў Беларусі сталі кавалерамі гэтай узнагароды.
На здымку -- Праведніца сьвету Ганна Хамінцэвіч
