Паводле паплечніка Андрэя Клімава Цімоха Дранчука, абвінавачаньне было прад’яўлена яшчэ ў пятніцу, але пра гэта стала вядома толькі сёньня.
(Дранчук: ) “Мэтанакіравана сьледчы гэтую інфармацыю ад нас схаваў, таму што яшчэ ў чацьвер ён нам сказаў, што абвінавачаньне будзе прад’яўляць толькі ў панядзелак”.
Ужо 6 траўня справу перададуць Андрэю Клімаву для азнаямленьня. Цімох Дранчук мяркуе, што на гэта не спатрэбіцца шмат часу, бо справа вельмі простая.
(Дранчук: ) “Адзіны момант абвінавачаньня прысутнічае ў ёй — гэта парушэньне працы грамадзкага транспарту на 35 хвілінаў, пры гэтым у справе ёсьць некалькі пратаколаў допытаў сьведкаў, з боку абвінавачаньня — гэта кіроўцы транспартных сродкаў, якія працавалі ў гэты час у цэнтры, і 16 відэакасэтаў, на якіх з розных ракурсаў запісаны падзеі з 15 да 16 гадзінаў 21-й хвіліны”.
Паводле жонкі спадара Андрэя Тацяны Леановіч-Клімавай, бліжэйшым часам мяркуецца памяняць адваката. Сёньня спадарыні Тацяне сьледчы адмовіў у спатканьні з мужам.
(Леановіч-Клімава: ) “Я спасылалася на тое, што раней, калі Андрэй сядзеў па палітычна матываванай справе, мне, пасьля доўгай барацьбы, але ўсё ж давалі спатканьні. Нам сьледчы таксама паўгода не даваў спатканьняў, але потым, пасьля ўмяшальніцтва міжнародных арганізацыяў, сталі рэгулярна даваць спатканьні”.
У Андрэя Клімава 15-гадовы сын і 10-гадовая дачка, маці — інвалід 2-й групы. Нягледзячы на гэта, Клімава ўсё ж пакінулі пад вартай.
(Леановіч-Клімава: ) “Я так разумею, што ў дадзенай справе ніхто не кіруецца законам, а кіруюцца толькі палітычнымі меркаваньнямі. Хто дае загады пракуратуры — наўрад ці гэта іх асабістая ініцыятыва”.
Андрэя Клімава затрымалі ў Менску на аўтастаянцы 22 красавіка. Апроч гэтай крымінальнай справы, на Андрэя Клімава раней была заведзеная крымінальная справа за паклёп на Аляксандра Лукашэнку, які быццам бы ўтрымліваецца ў ягоных кнігах. На 19 траўня прызначана наступнае паседжаньне ў гэтай справе, і туды Андрэя Клімава даставяць з Валадаркі. Андрэй Клімаў — дэпутат Вярхоўнага Савета, адзін з ініцыятараў імпічмэнту Лукашэнкі, вядомы прадпрымальнік, раней быў асуджаны за незаконную прадпрымальніцкую дзейнасьць. Асноўную мэту сваёй палітычнай дзейнасьці ён бачыць у недапушчэньні працягу прэзыдэнцтва Лукашэнкі на трэці тэрмін.
(Дранчук: ) “Мэтанакіравана сьледчы гэтую інфармацыю ад нас схаваў, таму што яшчэ ў чацьвер ён нам сказаў, што абвінавачаньне будзе прад’яўляць толькі ў панядзелак”.
Ужо 6 траўня справу перададуць Андрэю Клімаву для азнаямленьня. Цімох Дранчук мяркуе, што на гэта не спатрэбіцца шмат часу, бо справа вельмі простая.
(Дранчук: ) “Адзіны момант абвінавачаньня прысутнічае ў ёй — гэта парушэньне працы грамадзкага транспарту на 35 хвілінаў, пры гэтым у справе ёсьць некалькі пратаколаў допытаў сьведкаў, з боку абвінавачаньня — гэта кіроўцы транспартных сродкаў, якія працавалі ў гэты час у цэнтры, і 16 відэакасэтаў, на якіх з розных ракурсаў запісаны падзеі з 15 да 16 гадзінаў 21-й хвіліны”.
Паводле жонкі спадара Андрэя Тацяны Леановіч-Клімавай, бліжэйшым часам мяркуецца памяняць адваката. Сёньня спадарыні Тацяне сьледчы адмовіў у спатканьні з мужам.
(Леановіч-Клімава: ) “Я спасылалася на тое, што раней, калі Андрэй сядзеў па палітычна матываванай справе, мне, пасьля доўгай барацьбы, але ўсё ж давалі спатканьні. Нам сьледчы таксама паўгода не даваў спатканьняў, але потым, пасьля ўмяшальніцтва міжнародных арганізацыяў, сталі рэгулярна даваць спатканьні”.
У Андрэя Клімава 15-гадовы сын і 10-гадовая дачка, маці — інвалід 2-й групы. Нягледзячы на гэта, Клімава ўсё ж пакінулі пад вартай.
(Леановіч-Клімава: ) “Я так разумею, што ў дадзенай справе ніхто не кіруецца законам, а кіруюцца толькі палітычнымі меркаваньнямі. Хто дае загады пракуратуры — наўрад ці гэта іх асабістая ініцыятыва”.
Андрэя Клімава затрымалі ў Менску на аўтастаянцы 22 красавіка. Апроч гэтай крымінальнай справы, на Андрэя Клімава раней была заведзеная крымінальная справа за паклёп на Аляксандра Лукашэнку, які быццам бы ўтрымліваецца ў ягоных кнігах. На 19 траўня прызначана наступнае паседжаньне ў гэтай справе, і туды Андрэя Клімава даставяць з Валадаркі. Андрэй Клімаў — дэпутат Вярхоўнага Савета, адзін з ініцыятараў імпічмэнту Лукашэнкі, вядомы прадпрымальнік, раней быў асуджаны за незаконную прадпрымальніцкую дзейнасьць. Асноўную мэту сваёй палітычнай дзейнасьці ён бачыць у недапушчэньні працягу прэзыдэнцтва Лукашэнкі на трэці тэрмін.
