РЫМ. У Італіі сфармаваны новы кабінэт міністраў, у які ўвайшлі прадстаўнікі правацэнтрысцкіх партыяў. Сыльвіё Бэрлюсконі паведаміў пра гэта сёньня – праз два дні пасьля таго, як падаў у адстаўку з пасады прэм’ер-міністра. Усе ключавыя міністры захавалі свае пасады. Толькі міністэрствы транспарту, аховы здароўя, культуры і прамысловасьці атрымалі новых кіраўнікоў. На наступным тыдні склад кабінэту будзе перададзены на зацьверджаньне парлямэнту Італіі.