МАСКВА. Тут прайшла сустрэча прэзыдэнта Расеі Уладзімера Пуціна з дзяржаўным сакратаром ЗША Кандалізай Райс. Падчас перамоваў Пуцін высока ацаніў асабісты ўнёсак Райс у разьвіцьцё расейска-амэрыканскіх дачыненьняў. У інтэрвію радыёстанцыі "Эхо Москвы" Райс падкрэсьліла неабходнасьць далейшай дэмакратызацыі Расеі дзеля пасьпяховага разьвіцьця дыялёгу з Вашынгтонам. Напярэдадні візыту Райс выказала заклапочанасьць пашырэньнем кантролю Крамля над СМІ.