Месяц таму гаспадарчы суд разглядаў прэтэнзіі міліцыянтаў наконт таго, што ў транспартных дакумэнтах была няправільна ўказана колькасьць паасобнікаў кнігі, і што юрыдычная адрэса маскоўскай фірмы, якая імі, не адпавядае ейнаму сапраўднасьці. Пасьля таго, як гэтыя абвінавачаньні былі абвергнутыя Барысам Элькіным і ягоным юрыдычным кансультантам Гары Паганяйлам, судовая справа была закрытая.
Сёньняшні судовы працэс па справе віцебскага прадпрымальніка Барыса Элькіна адбываўся цягам цэлага дня. Ён быў ініцыяваны Віцебскім раённым аддзелам па барацьбе з эканамічнымі злачынствамі. І сутнасьць абвінавачаньня, выказанага кіраўніком аддзелу Віктарам Пракаповічам, палягала ў тым, што прадпрымальнік парушыў “Канвэнцыю пра міжнародныя перавозкі грузаў”, бо тавара-транспартныя накладныя ў яго былі неадпаведнага ўзору.
Цяпер супрацоўнікі міліцыі ініцыявалі новую судовую справу. Выступаючы на судзе, прадстаўнік Віцебскага райаддзелу Віктар Пракаповіч заявіў, што тавара-транспартныя накладныя на гэтую кнігу мусілі б быць іншага ўзору.
Перад пачаткам суду Барыс Элькін сказаў Радыё Свабода:
(Элькін: ) "Зноў мы ў пух і прах разьбілі пазыцыю міліцыянтаў, бо яны спрабуюць прыцягнуць за вушы такія нарматыўныя палажэньні, якія ў маім выпадку не дзейнічаюць. Але кніжкі мне, як я мяркую, так і не аддадуць – і міліцыянты, і суд робяць для гэтага ўсе магчымыя крокі. Але ж паглядзім!"
На думку спадара Элькіна, вельмі паказальна, што ў часе затрыманьня, 8-га кастрычніка мінулага году, ніякіх прэтэнзіяў да афармленьня дакумэнтаў у міліцыянтаў не было.
Тады сумненьні выклікала толькі назва і зьмест кнігі, але лінгвістычная экспэртыза, праведзеная паводле распараджэньня абласной пракуратуры, нічога крамольнага ў кнізе Сьвятланы Калінкінай ды Паўла Шарамета не знайшла. Цяпер міліцыянты зьвярнулі пільную ўвагу на выгляд і зьмест дакумэнтаў прадпрымальніка.
Пасьля першай, няўдалай спробы знайсьці ў ягонай дзейнасьці склад эканамічнага правапарушэньня, гаспадарчы суд у асобе судзьдзі Людмілы Івановай урэшце прызнаў Барыса Элькіна парушальнікам закону, а кнігі вырашыў канфіскаваць.
Пра тое, ці паступяць яны ў вольны продаж, падобна іншым канфіскаваным таварам, прадстаўнік Віцебскага райаддзелу Віктар Пракаповіч гаварыць не захацеў.
(Пракаповіч: ) "Я ня буду адказваць на гэтае пытаньне! Зараз кнігі захоўваюцца ў нашым райаддзеле, у апячатаным пакоі".
Прадпрымальнік Барыс Элькін, у сваю чаргу, дужа чакае таго моманту, калі гэтыя кнігі зьявяцца ў краме.
(Элькін: ) "Цяпер, калі суд прыняў рашэньне пра канфіскацыю кніжак, яны ў гандаль павінны пайсьці. Мы будзем уважліва сачыць, дзе яны зьявяцца. І я асабіста куплю 200-300 паасобнікаў".
А пакуль Барыс Элькін рыхтуе шэраг заяў у пракуратуру, бо ў матэрыялах сваіх судовых спраў ён заўважыў цэлы шэраг парушэньняў закону з боку абласнога суду і раённае міліцыі.
Сёньняшні судовы працэс па справе віцебскага прадпрымальніка Барыса Элькіна адбываўся цягам цэлага дня. Ён быў ініцыяваны Віцебскім раённым аддзелам па барацьбе з эканамічнымі злачынствамі. І сутнасьць абвінавачаньня, выказанага кіраўніком аддзелу Віктарам Пракаповічам, палягала ў тым, што прадпрымальнік парушыў “Канвэнцыю пра міжнародныя перавозкі грузаў”, бо тавара-транспартныя накладныя ў яго былі неадпаведнага ўзору.
Цяпер супрацоўнікі міліцыі ініцыявалі новую судовую справу. Выступаючы на судзе, прадстаўнік Віцебскага райаддзелу Віктар Пракаповіч заявіў, што тавара-транспартныя накладныя на гэтую кнігу мусілі б быць іншага ўзору.
Перад пачаткам суду Барыс Элькін сказаў Радыё Свабода:
(Элькін: ) "Зноў мы ў пух і прах разьбілі пазыцыю міліцыянтаў, бо яны спрабуюць прыцягнуць за вушы такія нарматыўныя палажэньні, якія ў маім выпадку не дзейнічаюць. Але кніжкі мне, як я мяркую, так і не аддадуць – і міліцыянты, і суд робяць для гэтага ўсе магчымыя крокі. Але ж паглядзім!"
На думку спадара Элькіна, вельмі паказальна, што ў часе затрыманьня, 8-га кастрычніка мінулага году, ніякіх прэтэнзіяў да афармленьня дакумэнтаў у міліцыянтаў не было.
Тады сумненьні выклікала толькі назва і зьмест кнігі, але лінгвістычная экспэртыза, праведзеная паводле распараджэньня абласной пракуратуры, нічога крамольнага ў кнізе Сьвятланы Калінкінай ды Паўла Шарамета не знайшла. Цяпер міліцыянты зьвярнулі пільную ўвагу на выгляд і зьмест дакумэнтаў прадпрымальніка.
Пасьля першай, няўдалай спробы знайсьці ў ягонай дзейнасьці склад эканамічнага правапарушэньня, гаспадарчы суд у асобе судзьдзі Людмілы Івановай урэшце прызнаў Барыса Элькіна парушальнікам закону, а кнігі вырашыў канфіскаваць.
Пра тое, ці паступяць яны ў вольны продаж, падобна іншым канфіскаваным таварам, прадстаўнік Віцебскага райаддзелу Віктар Пракаповіч гаварыць не захацеў.
(Пракаповіч: ) "Я ня буду адказваць на гэтае пытаньне! Зараз кнігі захоўваюцца ў нашым райаддзеле, у апячатаным пакоі".
Прадпрымальнік Барыс Элькін, у сваю чаргу, дужа чакае таго моманту, калі гэтыя кнігі зьявяцца ў краме.
(Элькін: ) "Цяпер, калі суд прыняў рашэньне пра канфіскацыю кніжак, яны ў гандаль павінны пайсьці. Мы будзем уважліва сачыць, дзе яны зьявяцца. І я асабіста куплю 200-300 паасобнікаў".
А пакуль Барыс Элькін рыхтуе шэраг заяў у пракуратуру, бо ў матэрыялах сваіх судовых спраў ён заўважыў цэлы шэраг парушэньняў закону з боку абласнога суду і раённае міліцыі.