ПРАГА. Усясьветная арганізацыя аховы здароўя папрасіла тысячы лябараторый у розных краінах сьвету зьнішчыць патэнцыяльна небясьпечныя ўзоры вірусу, які выклікаў азіяцкую пандэмію грыпу ў 1950-ыя гады, калі памерлі каля 4 мільёнаў чалавек. Каледж амэрыканскіх патолягаў памылкова разаслаў узоры вірусу ў 3 700 лябараторый, большасць зь якіх знаходзіцца ў ЗША. Лябараторыі ў Канадзе, Ганконгу, Сінгапуры і Паўднёвай Карэі паведамляюць, што ўжо зьнішчылі ўзоры вірусу.