СУХУМІ. Лідэр Абхазіі Сяргей Багапш заявіў, што ня будзе ніякага абмеркаваньня с грузінскім урадам наконт статусу Абхазіі, магчыма абмеркаваньне толькі эканамічных, а не палітычных праблемаў. Гэтую заяву лідэр Абхазіі зрабіў у часе візыту дэлегацыі ЗША у Сухумі. У складзе дэлегацыі былі прадстаўнік Дзярждэпартамэнту ЗША, пасланьнік ў справе канфліктаў у Эўразіі Стывен Ман і амэрыканскі амбасадар у Грузіі Рычард Майлс. Прадстаўнік грузінскага ўраду Георгій Вольскі паведаміў, што амэрыканская дэлегацыя наведала Абхазію ў рамках падрыхтоўкі да заплянаванага на наступны месяц візыту прэзыдэнта ЗША ў Грузію.