У Горадні затрымалі за антырасейскі пікет, прысудзілі 50 “базавых адзінак” штрафу (фота)

Пікетовец дэманстраваў з нагоды гэтак званага сьвята “яднаньня з Расеяй”. На дзяржаўных установах гораду сёньня якраз зьявіліся побач з афіцыйным беларускім сьцягам расейскі дзяржаўны трыкалёр.

Пікет доўжыўся каля 15 хвілінаў. На месца падзеі прыехалі міліцыянты зь Ленінскага райаддзелу міліцыі на чале з маёрам Хілько і забралі спадара Юргеля ў пастарунак для разьбіральніцтва.

Суд адбыўся хутка. 50 базавых адзінак — на такую суму сёньня аштрафаваны гарадзенец Раман Юргель за гэты несанкцыянаваны пікет.

На здымках: Раман Юргель пікетуе; кароткая размова зь міліцыянтам. Фота С.Астраўцова.