БРУСЭЛЬ. Эўразьвяз назваў скіданьне прэзыдэнта Кіргізстану Аскара Акаева перамогай дэмакратыі. Намесьнік міністра замежных справаў Люксэмбургу Нікалас Шмідт заявіў Эўрапейскаму парлямэнту, што Эўразьвяз павінен дапамагчы Кіргізстану такім чынам, каб дэмакратычная перамога пераўтварылася ў рэальную аб’яднаную перамогу. У Вене ў штаб-кватэры АБСЭ паведамілі, што дзейны старшыня АБСЭ Дзьмітры Рупэль накіруецца ў чацьвер у Кіргізстан для перамоваў з мясцовымі лідэрамі аб вырашэньні крызысу ў краіне.