ПРАГА. Кіраўнік зьнешняй палітыкі Эўрапейскага Зьвязу Хаўер Саляна зьвярнуўся да кіргіскага народу з заклікам устрымлівацца ад гвалту і паводзіць сябе “адказна”. Ён зрабіў гэты заклік пасьля абмеркаваньня сытуацыі ў краіне з прадстаўнікамі АБСЭ. Тым часам АБСЭ заяўляе, што ў Кіргістане “ёсьць значныя праблемы з навядзеньнем парадку і станаўленьнем структур улады”. Прадстаўнік АБСЭ ў Кіргістане вядзе перамовы з палітычнымі лідэрамі ў Бішкеку.