ПАРЫЖ. У Парыжы безвынікова завяршыўся чарговы раўнд перамоваў наконт ядзернай праграмы Ірану. Вялікая Брытанія, Нямеччына і Францыя не здолелі пераканаць Тэгеран адмовіцца ад праграмы ўзбагачэньня ўрану. Іранскі прадстаўнік на сустрэчы заявіў, што ягоная краіна не мае намеру спыняць гэтую праграму, але гатовая ў блізкім часе вярнуцца да перамоваў з эўрапейскімі дзяржавамі.