ЕРУСАЛІМ. Расейскі прэзыдэнт Уладзімер Пуцін у красавіку наведае Ізраіль. Гэта будзе першы візыт кіраўніка Расеі ў гэтую краіну. Плянуецца, што Пуцін будзе мець перамовы з прэм’ер-міністрам Арыэлем Шаронам, а таксама сустрэнецца з палестынскімі лідэрамі. Расея разам з ЗША, ААН і Эўразьвязам распрацавала мірны плян блізкаўсходняга ўрэгуляваньня “дарожная мапа”, які мае на мэце стварэньне палестынскай дзяржавы да 2005 году.