Зьвесткі пра намер правесьці у цэнтры Менску пікет і марш нэанацыстаў зьявіліся на адным з інтэрнэт-сайтаў 21 сакавіка. Мерапрыемства быццам заплянаванае на 25 сакавіка і заява зробленая ад імя гомельскіх нэанацыстаў.
У якасьці падставы названая гадавіна сьмерці 18-гадовага гамельчаніна Аляксандра Паплеўкіна, забітага нібыта студэнтамі з краінаў Блізкага Ўсходу. Аўтары заявы сьцьвярджаюць, што ўлады ня жадаюць расьсьледаваць гэтую справу, а таксама абвінавачваюць ў “непатрыятычнай пазыцыі” адміністрацыю Гомельскага ўнівэрсытэту. 25 сакавіка адзінадумцы Паплеўкіна зьбіраюцца пікетаваць рэспубліканскую пракуратуру, а потым правесьці шэсьце ў цэнтры Менска.
Між тым, нагадаю, на 15 гадзінаў 25 сакавіка абвешчанае правядзеньне на Кастрычніцкай плошчы сталіцы мітынгу адзінадумцаў былога дэпутата Андрэя Клімава. Андрэй зьвязаў зьвесткі пра марш нэанацыстаў менавіта з акцыяй, якую ён заплянаваў. Пры гэтым ён перакананы, што сарваць ягоных плянаў нікому не ўдасца.
(Клімаў: ) “Слон, калі ідзе па прэрыі, ня толькі не баіцца зьмей, ён іх не заўважае. А калі якая зьмяя патрапіць яму пад ногі, ад яе застанецца мокрае месца. Гэта я абяцаю ўсім фашыстам. Хай і не думаюць пайсьці на правакацыю”.
Нагадаю, Андрэй Клімаў заклікаў сабрацца пад антыпрэзыдэнтцкімі лёзунгамі. Менскія гарадзкія ўлады дазволу на такі мітынг не далі.
У менскай міліцыі і гарадзкой адміністрацыі паведамілі, што там нічога невядома пра падрыхтоўку гомельскіх нэанацыстаў да маршу ў Менску.
“Зьвестак пра заяўку на такі марш ў нас няма”, – сказалі ў прэсавым цэнтры Менгарвыканкаму. А ў міністэрстве ўнутраных справаў пляны правесьці шэсьце нэафашыстаў у Менску сустрэлі сьмехам.
(Клепча: ) “У нас дзяржава не такая слабая, каб ня зладзіць з нэанацыстамі ці нейкімі іншымі. Ва ўсялякім разе, у год 60-годзьдзя Перамогі гэтага ніхто не дазволіць”,– сказаў прэсавы сакратар міністра ўнутраных справаў Генадзь Клепча.
Супрацьзаконныя акцыі з удзелам нэанацыстаў у Беларусі ня рэдкасьць. Яны носяць як палітызаваны, так і звычайны хуліганскі характар. Прыкладам, некалькі гадоў у цэнтры Менску нэанацысты зьбілі актывістаў арганізацыі “Хартыя-97” Андрэя Саньнікава і Зьмітра Бандарэнку, пазьней былі зафіксаваныя напады нэанацыстаў на актывістаў “Маладога фронту”. Літаральны тыдзень таму ў Менску “скінхэды” атакавалі паранілі трох юнакоў на сталічнай дыскатэцы “Лео”.
У якасьці падставы названая гадавіна сьмерці 18-гадовага гамельчаніна Аляксандра Паплеўкіна, забітага нібыта студэнтамі з краінаў Блізкага Ўсходу. Аўтары заявы сьцьвярджаюць, што ўлады ня жадаюць расьсьледаваць гэтую справу, а таксама абвінавачваюць ў “непатрыятычнай пазыцыі” адміністрацыю Гомельскага ўнівэрсытэту. 25 сакавіка адзінадумцы Паплеўкіна зьбіраюцца пікетаваць рэспубліканскую пракуратуру, а потым правесьці шэсьце ў цэнтры Менска.
Між тым, нагадаю, на 15 гадзінаў 25 сакавіка абвешчанае правядзеньне на Кастрычніцкай плошчы сталіцы мітынгу адзінадумцаў былога дэпутата Андрэя Клімава. Андрэй зьвязаў зьвесткі пра марш нэанацыстаў менавіта з акцыяй, якую ён заплянаваў. Пры гэтым ён перакананы, што сарваць ягоных плянаў нікому не ўдасца.
(Клімаў: ) “Слон, калі ідзе па прэрыі, ня толькі не баіцца зьмей, ён іх не заўважае. А калі якая зьмяя патрапіць яму пад ногі, ад яе застанецца мокрае месца. Гэта я абяцаю ўсім фашыстам. Хай і не думаюць пайсьці на правакацыю”.
Нагадаю, Андрэй Клімаў заклікаў сабрацца пад антыпрэзыдэнтцкімі лёзунгамі. Менскія гарадзкія ўлады дазволу на такі мітынг не далі.
У менскай міліцыі і гарадзкой адміністрацыі паведамілі, што там нічога невядома пра падрыхтоўку гомельскіх нэанацыстаў да маршу ў Менску.
“Зьвестак пра заяўку на такі марш ў нас няма”, – сказалі ў прэсавым цэнтры Менгарвыканкаму. А ў міністэрстве ўнутраных справаў пляны правесьці шэсьце нэафашыстаў у Менску сустрэлі сьмехам.
(Клепча: ) “У нас дзяржава не такая слабая, каб ня зладзіць з нэанацыстамі ці нейкімі іншымі. Ва ўсялякім разе, у год 60-годзьдзя Перамогі гэтага ніхто не дазволіць”,– сказаў прэсавы сакратар міністра ўнутраных справаў Генадзь Клепча.
Супрацьзаконныя акцыі з удзелам нэанацыстаў у Беларусі ня рэдкасьць. Яны носяць як палітызаваны, так і звычайны хуліганскі характар. Прыкладам, некалькі гадоў у цэнтры Менску нэанацысты зьбілі актывістаў арганізацыі “Хартыя-97” Андрэя Саньнікава і Зьмітра Бандарэнку, пазьней былі зафіксаваныя напады нэанацыстаў на актывістаў “Маладога фронту”. Літаральны тыдзень таму ў Менску “скінхэды” атакавалі паранілі трох юнакоў на сталічнай дыскатэцы “Лео”.
