МАСКВА. Фэдэральная Служба Бясьпекі Расеі заплаціла 10 мільёнаў даляраў за інфармацыю, якая дапамагла забіць лідэра чачэнскіх сэпаратыстаў Аслана Масхадава. Масхадаў быў забіты на мінулым тыдні ў выніку спэцапэрацыі на поўначы Чачэніі. Пра грашовую ўзнагароду за выяўленьне месца знаходжаньня Масхадава ФСБ абвясьціла ў верасьні. Прадстаўнік спэцслужбаў заявіў, што ФСБ дапаможа асобам, якія дапамаглі знайсьці Масхадава, выехаць у іншы рэгіён Расеі або ў нейкую мусульманскую краіну.