Лінкі ўнівэрсальнага доступу

logo-print

Каля 30-ці маладых актывістаў правялі акцыю ў цэнтры Менску


Алесь Дашчынскі, Менск У Менску на Кастрычніцкай плошчы сябры моладзевай арганізацыі “Зубр” правялі акцыю “Свабоду палітвязьням!” Каля 30-ці ўдзельнікаў акцыі, пераважна моладзь, утварылі ланцуг уздоўж плошчы. Яны трымалі партрэты Міхаіла Марыніча і такім чынам патрабавалі вызваленьня ўсіх палітзьняволеных.

Асаблівую занепакоенасьць сябраў моладзевага руху “Зубр” выклікае лёс Міхаіла Марыніча. “Ягоны стан здароўя патрабуе неадкладнай шпіталізацыі і паўнавартаснага мэдычнага абсьледаваньня”, – цьвердзяць дэманстранты.

За акцыяй сачылі міліцыянты, але ніякіх папярэджаньняў яе арганізатарам, як гэта звычайна бывае, не давалі. Праз пэўны час акцыя спакойна завяршылася. Моладзь плянуе штодня прыходзіць на Кастрычніцкую плошчу ў Менску а 18-й гадзіне, для таго каб прадэманстраваць сваю салідарнасьць зь беларускімі палітзьняволенымі.

Нагадаем, што раней сёньня на Кастрычніцкім пляцу былі затрыманыя актывісты “Маладога фронту”.
XS
SM
MD
LG