Лінкі ўнівэрсальнага доступу

Уладзімер Навумаў: “Жураўкова хварэе”


Ул. інф. Былая кіраўнічка справамі прэзыдэнта Галіна Жураўкова, асуджаная да 4 гадоў пазбаўленьня волі, цяпер хварэе. Пра гэта паведаміў у інтэрвію Інтэрфаксу міністар ўнутраных справаў Беларусі Ўладзімер Навумаў.

Мэдыі адзначалі, што Жураўкава пакуль не патрапіла ў калёнію для адбываньня пакараньня, выказваліся нават вэрсіі пра яе зьнікненьне. Паводле кіраўніка МУС “Жураўкава нікуды ня зьнікла, яна не абвешчаная ў вышук, яна хварэе”.

Уладзімер Навумаў заявіў, што калі стан яе здароўя палепшыцца, яна будзе дастаўленая ў калёнію для адбываньня пакараньня. Міністар не паведаміў, дзе праходзіць курс лячэньня асуджаная, дадаўшы толькі: “Яна хворая, няхай лечыцца, МУС ня мае намеру выдаткоўваць грошы на яе лячэньне”.
XS
SM
MD
LG