МАДРЫД.Прычыны тэрарызму і шляхі вынішчэньня яго – тэма канфэрэнцыі, якая распачынаецца сёньня ў Мадрыдзе. Форум, які працягнецца да пятніцы, зьбярэ разам усясьветных лідэраў, улучна з генэральным сакратаром ААН Кофі Ананам, аўганскім прэзыдэнтам Хамідам Карзаем і іншымі кіраўнікамі ўрадаў. У канфэрэнцыі возьмуць удзел таксама 180 экспэртаў з 50 краінаў. Мерапрыемства прымеркаванае да гадавіны тэрарыстычнага акту 11 сакавіка, у выніку якога загінулі 191 чалавек і былі параненыя болей як тысяча пяцьсот.