Лінкі ўнівэрсальнага доступу

logo-print

Судзьдзя на скаргі хворага прадпрымальніка не рэагуе


Казімер Яноўскі, Гомель Судзьдзя Рэчыцкага раённага суду Сьвятлана Пырх пакуль не адрэагавала на заяву адваката Ірыны Завольскай наконт прыпыненьня пакараньня прадпрымальніка Леаніда Невара з прычыны бранхіту і хваробы сэрца.

Учора судзьдзя Пырх вырашыла арыштаваць лідэра рэчыцкіх прадпрымальнікаў Леаніда Невара на 10 сутак нібыта за дробнае хуліганства і непадпарадкаваньне міліцыі.

Спадара Невара з высокаю тэмпэратурай і хворым сэрцам зьмясьцілі ў тую ж камэру ізалятара, дзе ён ужо правёў суткі да суду і атрымаў моцную прастуду. У вокнах камэры замест шкла – поліэтыленавая плёнка. Тэмпэратура ўнутры камэры мала адрозьніваецца ад вонкавай.

Не ўзяла пакуль пад увагу скаргу прадпрымальніка пра немагчымасьць адбываць пакараньне з прычыны стану здароўя і Рэчыцкая пракуратура.
XS
SM
MD
LG