Будуе аўтазапраўку на вуліцы Луначарскага гомельская філія закрытага акцыянэрнага таварыства “Слаўнафта-Старт”. Дазволіў будоўлю гарвыканкам. Адпаведныя ўзгадненьні далі гарадзкія адмыслоўцы міністэрства надзвычайных сытуацыяў, экалёгіі, санітарнай службы.
Жыхары навакольных прыватных дамоў з гэтым ня згодны. Распавядае Леанід Пліска:
(Пліска: ) “Яны парушылі дэкрэт прэзыдэнта пра бясьпеку грамадзянаў. Перакрылі вуліцу Высокую – выезду няма. Высакавольтная лінія побач. Можа абрыў провада быць, наледзь. Пры падзеньні провада пад напругаю ўзарвуцца ўсе гэтыя ёмістасьці. Што датычна экалёгіі: нашы дамы і агароды атрымаліся ў яме. Яны зрабілі насып на 3,5 мэтра, паднялі пляцоўку пад АЗС. Мы не адчынім вокны: вецер з захаду – усё будзе ляцець у вокны”.
Гараджане пратэстуюць супраць суседзтва аўтазапраўкі, пішуць лісты ў розныя інстанцыі Гомелю і Мінску. Усё вяртаецца ў гарвыканкам. Прыяжджаюць розныя мясцовыя камісіі, але будоўля не спыняецца. Людзі кажуць, што гарвыканкам зацікаўлены ў аўтазапраўцы, нягледзячы на тое, што за два прыпынкі ад канфліктнага месца ёсьць выдатная аўтазапраўка аб’яднаньня “Беларуснафта”.
Проста бізнэсоўцы таварыства “Слаўнафта-Старт” адшпілілі гораду на ўладкаваньне ліўнёўкі 60 тысячаў даляраў. Таму ніякія аргумэнты жыхароў у разьлік не бяруцца. Паслухаем Антаніну Семянцову:
(Семянцова: ) “Нічога з намі не ўзгаднялі. А калі сталі пратэставаць, прывялі ўчастковага і запыталі: “Вы што, супраць улады?”
У дзень, калі я гутарыў з жыхарамі вуліцаў Высокая, Луначарскага, Пугачова, на будоўлю прыяжджалі кіраўнік адміністрацыі Навабеліцкага раёну Мікалай Грыцэнка, намесьнік старшыні гарвыканкаму Сяргей Кавалёў. Яны стаялі на сваім: ад бэнзакалёнак да жылых дамоў ёсьць адлегласьць 20 мэтраў – і ўсё тут. Ад камэнтароў мэдыям чыноўнікі адмаўляліся. Гэтак аднекваўся намесьнік старшыні гарвыканкаму Кавалёў:
(Кавалёў:) “Я ня буду вам нічога, ніякіх інтэрвію даваць”.
А як добраўпарадкаваны мікрараёны прыватнай забудовы? У большасьці такіх мікрараёнаў выгодаў бракуе. Жыхары з бліжэйшых дамоў вакол аўтазапраўкі распавядалі, што раней на месцы аўтазапраўкі меліся разьбіць сквэр. Скардзіліся людзі, што нямашака побач добрых крамаў, адсутнічаюць гульнёвыя пляцоўкі для дзяцей і моладзі.
(Шышкова: ) “Я жыву на вуліцы Пугачова. Экалёгія мяне турбуе – раз. І мяне турбуе тое, што няма тут праграмы аздараўленьня нацыі, пра якую апавядае прэзыдэнт. Калі б тут яны не аўтазапраўку пабудавалі, а аздараўленчы комплекс, то і я пайшла б, і другая, і трэцяя, і чацьвёртая. Зімою. Разумееце? І дзеці, і моладзь прыйшлі б займацца, мелі б занятак”.
Так лічыць Ніна Шашкова з вуліцы Пугачова.
Жыхары навакольных прыватных дамоў з гэтым ня згодны. Распавядае Леанід Пліска:
(Пліска: ) “Яны парушылі дэкрэт прэзыдэнта пра бясьпеку грамадзянаў. Перакрылі вуліцу Высокую – выезду няма. Высакавольтная лінія побач. Можа абрыў провада быць, наледзь. Пры падзеньні провада пад напругаю ўзарвуцца ўсе гэтыя ёмістасьці. Што датычна экалёгіі: нашы дамы і агароды атрымаліся ў яме. Яны зрабілі насып на 3,5 мэтра, паднялі пляцоўку пад АЗС. Мы не адчынім вокны: вецер з захаду – усё будзе ляцець у вокны”.
Гараджане пратэстуюць супраць суседзтва аўтазапраўкі, пішуць лісты ў розныя інстанцыі Гомелю і Мінску. Усё вяртаецца ў гарвыканкам. Прыяжджаюць розныя мясцовыя камісіі, але будоўля не спыняецца. Людзі кажуць, што гарвыканкам зацікаўлены ў аўтазапраўцы, нягледзячы на тое, што за два прыпынкі ад канфліктнага месца ёсьць выдатная аўтазапраўка аб’яднаньня “Беларуснафта”.
Проста бізнэсоўцы таварыства “Слаўнафта-Старт” адшпілілі гораду на ўладкаваньне ліўнёўкі 60 тысячаў даляраў. Таму ніякія аргумэнты жыхароў у разьлік не бяруцца. Паслухаем Антаніну Семянцову:
(Семянцова: ) “Нічога з намі не ўзгаднялі. А калі сталі пратэставаць, прывялі ўчастковага і запыталі: “Вы што, супраць улады?”
У дзень, калі я гутарыў з жыхарамі вуліцаў Высокая, Луначарскага, Пугачова, на будоўлю прыяжджалі кіраўнік адміністрацыі Навабеліцкага раёну Мікалай Грыцэнка, намесьнік старшыні гарвыканкаму Сяргей Кавалёў. Яны стаялі на сваім: ад бэнзакалёнак да жылых дамоў ёсьць адлегласьць 20 мэтраў – і ўсё тут. Ад камэнтароў мэдыям чыноўнікі адмаўляліся. Гэтак аднекваўся намесьнік старшыні гарвыканкаму Кавалёў:
(Кавалёў:) “Я ня буду вам нічога, ніякіх інтэрвію даваць”.
А як добраўпарадкаваны мікрараёны прыватнай забудовы? У большасьці такіх мікрараёнаў выгодаў бракуе. Жыхары з бліжэйшых дамоў вакол аўтазапраўкі распавядалі, што раней на месцы аўтазапраўкі меліся разьбіць сквэр. Скардзіліся людзі, што нямашака побач добрых крамаў, адсутнічаюць гульнёвыя пляцоўкі для дзяцей і моладзі.
(Шышкова: ) “Я жыву на вуліцы Пугачова. Экалёгія мяне турбуе – раз. І мяне турбуе тое, што няма тут праграмы аздараўленьня нацыі, пра якую апавядае прэзыдэнт. Калі б тут яны не аўтазапраўку пабудавалі, а аздараўленчы комплекс, то і я пайшла б, і другая, і трэцяя, і чацьвёртая. Зімою. Разумееце? І дзеці, і моладзь прыйшлі б займацца, мелі б занятак”.
Так лічыць Ніна Шашкова з вуліцы Пугачова.
