БАГДАД. Палітычныя лідэры ірацкіх шыітаў вылучылі кандыдатуру свайго рэлігійнага лідэра Ібрагіма аль-Джаафары на пасаду прэм’ер-міністра краіны. Цяпер ён выконвае функцыі часовага віцэ-прэзыдэнта Іраку. Ягоным галоўным канкурэнтам будзе цяперашні прэм’ер Іяд Алаўі. Аднак, палітычная групоўка Алаўі набрала на выбарах толькі 14 адсоткаў месцаў, тады як шыіцкі альянс мае амаль палову месцаў у Нацыянальнай асамблеі.