ВАШЫНГТОН. Прэзыдэнт ЗША Джордж Буш заклікаў Кангрэс падоўжыць дзеяньне закону, скіраванага на барацьбу з тэрарызмам. На думку Буша, дзеяньне гэтага закону, прынятага пасьля тэрактаў 11 верасьня 2001 году, дазваляе амэрыканскім спэцслужбам дзейсна процістаяць тэрарыстам. Як чакаецца, Бушава прапанова падоўжыць дзеяньне названага закону сустрэне нязгоду часткі заканадаўцаў, якія лічаць, што закон абмяжоўвае грамадзянскія свабоды.