Якія мэты ставіць перад сабой пакуль што гіпатэтычны Клюб? Ініцыятыва стварэньня Клюбу належыць чатырохразоваму алімпійскаму чэмпіёну ў фэхтаваньні Віктару Сідзяку. “Правай рукой” Сідзяка – гэтаксама алімпійскі чэмпіён Уладзімер Камінскі. Пакуль што вядзецца гаворка пра аб’яднаньне выключна пераможцаў Алімпійскіх гульняў, аднак у пэрспэктыве дзьверы клюбу будуць адчыненыя таксама і для прызёраў Алімпіядаў.
Сідзяк не хавае, што асноўная мэта Клюбу – сацыяльная абарона спартоўцаў, якія пасьля заканчэньня кар’еры мала каго цікавяць. Маецца на ўвазе працаўладкаваньне, дапамога ў пасьляспартовай адаптацыі, прыцягненьне да працы з моладзьдзю ў спэцыялізаваных спартовых школах. Мэты высакародныя і аб’ектыўна патрэбныя, аднак ідэя паступова пераўтвараецца ў эпапею – канстатуе Уладзімер Камінскі, удакладняючы, што дакумэнты на рэгістрацыю “Клюбу алімпійскіх чэмпіёнаў” у гарадзкое ўпраўленьне юстыцыі былі пададзеныя яшчэ летась у кастрычніку.
(Камінскі: ) “Мы так меркавалі, што там гэтая справа і завершыцца, бо клюб рэгіянальны – Менск і вобласьць. Але потым нашыя дакумэнты перадалі ў Міністэрства юстыцыі: патрэбна было рашэньне камісіі, якую ўзначальвае Алег Праляскоўскі з адміністрацыі прэзыдэнта. Дарэчы, ён у размове з Сідзяком паабяцаў, што ў пачатку сьнежня клюб будзе зарэгістраваны. Але прайшоў сьнежань, сярэдзіна студзеня, а 17 лютага будзем адзначаць чатыры месяцы нашай неіснуючай рэгістрацыі…”
Сытуацыя выглядае ў пэўным сэнсе дзіўнай, паколькі ўсім вядома, на якім рахунку ў Беларусі спорт і як апякуе алімпійцаў уласна прэзыдэнт НАК Аляксандар Лукашэнка...
Менавіта гэта зьдзіўляе і саміх спартоўцаў. У кулюарах нават называюцца некаторыя меркаваньні на гэты конт. Прыкладам, прысутнасьць сярод актыўных ініцыятараў стварэньня арганізацыі трохразовага алімпійскага чэмпіёна Уладзімера Парфяновіча – ад часоў дэпутацтва Парфяновіча ўлады ўспрымаюць яго выключна як апазыцыйнага палітыка. Дый сам Сідзяк, як кажуць, досыць радыкальная фігура – адрозна ад спартовых функцыянэраў, якія толькі падпарадкоўваюцца, але не выпрацоўваюць ніякіх ідэяў.
Вось, прыкладам, што кажа Віктар Сідзяк у зьвязку са спробамі наладзіць сетку спартовых сэкцыяў для моладзі ў рамках працы Клюбу:
(Сідзяк: ) “Ці кіраўніцтва не разумее важнасьці таго, што нават калі мы 10 ці 15 чалавек “выратуем” ад вуліцы – гэта вялікая справа?.. Зараз у школах у сёмым клясе ня ведаюць, я ўжо не кажу алімпійскіх чэмпіёнаў – прэзыдэнта ня ведаюць! П’юць гарэлку, паляць нейкую гадасьць. Мы цалкам робім за іх справу і, на жаль, не знаходзім нармалёвага разуменьня”.
Паверыўшы абяцаньням чыноўнікам, у студзені “Клюб алімпійскіх чэмпіёнаў” меўся наладзіць прэзэнтацыю, і гэта, дарэчы, ужо было пазначана ў календары НАК. Чаму ўсё ж гэтае мерапрыемства на нявызначаны час адтэрміноўваецца? Сваё меркаваньне выказвае Уладзімер Камінскі:
(Камінскі: ) “Прычына быццам у тым, што не зьбіраецца камісія. Але тут дзьве нестыкоўкі. У Міністэрстве юстыцыі кажуць: у нас шмат папераў, таму трэба чакаць, пакуль да вас дойдзе чарга. А сакратар Праляскоўскага кажа, што яшчэ не набралася столькі заявак, каб правесьці камісію. Нейкія нестыкоўкі. Дый увогуле дзіўна, што ў міністэрстве юстыцыі камісію ўзначальвае не работнік міністэрства, а прадстаўнік адміністрацыі, а ў камісію, апроч таго, уваходзяць дэпутаты і хтосьці з ураду…”
Сідзяк не хавае, што асноўная мэта Клюбу – сацыяльная абарона спартоўцаў, якія пасьля заканчэньня кар’еры мала каго цікавяць. Маецца на ўвазе працаўладкаваньне, дапамога ў пасьляспартовай адаптацыі, прыцягненьне да працы з моладзьдзю ў спэцыялізаваных спартовых школах. Мэты высакародныя і аб’ектыўна патрэбныя, аднак ідэя паступова пераўтвараецца ў эпапею – канстатуе Уладзімер Камінскі, удакладняючы, што дакумэнты на рэгістрацыю “Клюбу алімпійскіх чэмпіёнаў” у гарадзкое ўпраўленьне юстыцыі былі пададзеныя яшчэ летась у кастрычніку.
(Камінскі: ) “Мы так меркавалі, што там гэтая справа і завершыцца, бо клюб рэгіянальны – Менск і вобласьць. Але потым нашыя дакумэнты перадалі ў Міністэрства юстыцыі: патрэбна было рашэньне камісіі, якую ўзначальвае Алег Праляскоўскі з адміністрацыі прэзыдэнта. Дарэчы, ён у размове з Сідзяком паабяцаў, што ў пачатку сьнежня клюб будзе зарэгістраваны. Але прайшоў сьнежань, сярэдзіна студзеня, а 17 лютага будзем адзначаць чатыры месяцы нашай неіснуючай рэгістрацыі…”
Сытуацыя выглядае ў пэўным сэнсе дзіўнай, паколькі ўсім вядома, на якім рахунку ў Беларусі спорт і як апякуе алімпійцаў уласна прэзыдэнт НАК Аляксандар Лукашэнка...
Менавіта гэта зьдзіўляе і саміх спартоўцаў. У кулюарах нават называюцца некаторыя меркаваньні на гэты конт. Прыкладам, прысутнасьць сярод актыўных ініцыятараў стварэньня арганізацыі трохразовага алімпійскага чэмпіёна Уладзімера Парфяновіча – ад часоў дэпутацтва Парфяновіча ўлады ўспрымаюць яго выключна як апазыцыйнага палітыка. Дый сам Сідзяк, як кажуць, досыць радыкальная фігура – адрозна ад спартовых функцыянэраў, якія толькі падпарадкоўваюцца, але не выпрацоўваюць ніякіх ідэяў.
Вось, прыкладам, што кажа Віктар Сідзяк у зьвязку са спробамі наладзіць сетку спартовых сэкцыяў для моладзі ў рамках працы Клюбу:
(Сідзяк: ) “Ці кіраўніцтва не разумее важнасьці таго, што нават калі мы 10 ці 15 чалавек “выратуем” ад вуліцы – гэта вялікая справа?.. Зараз у школах у сёмым клясе ня ведаюць, я ўжо не кажу алімпійскіх чэмпіёнаў – прэзыдэнта ня ведаюць! П’юць гарэлку, паляць нейкую гадасьць. Мы цалкам робім за іх справу і, на жаль, не знаходзім нармалёвага разуменьня”.
Паверыўшы абяцаньням чыноўнікам, у студзені “Клюб алімпійскіх чэмпіёнаў” меўся наладзіць прэзэнтацыю, і гэта, дарэчы, ужо было пазначана ў календары НАК. Чаму ўсё ж гэтае мерапрыемства на нявызначаны час адтэрміноўваецца? Сваё меркаваньне выказвае Уладзімер Камінскі:
(Камінскі: ) “Прычына быццам у тым, што не зьбіраецца камісія. Але тут дзьве нестыкоўкі. У Міністэрстве юстыцыі кажуць: у нас шмат папераў, таму трэба чакаць, пакуль да вас дойдзе чарга. А сакратар Праляскоўскага кажа, што яшчэ не набралася столькі заявак, каб правесьці камісію. Нейкія нестыкоўкі. Дый увогуле дзіўна, што ў міністэрстве юстыцыі камісію ўзначальвае не работнік міністэрства, а прадстаўнік адміністрацыі, а ў камісію, апроч таго, уваходзяць дэпутаты і хтосьці з ураду…”