ПХЭНЬЯН. Паўночнакарэйскія газэты выйшлі сёньня з заклікамі абя’днацца вакол лідэра Кім Чэн Іра і ўмацаваць нацыянальнае адзінства перад, як было сказана, непрымірымай пазыцыяй Злучаных Штатаў. Вашынгтон адрынуў патрабаваньне Пхэньяну распачаць наўпроставыя перамовы ў ядзернай праграме КНДР. Раней Паўночная Карэя абвесьціла пра выхад са шматбаковых перамоваў і паведаміла пра наяўнасьць у яе ядзернай зброі. Краіны Захаду, а таксама Расея і Кітай скрытыкавалі гэтае рашэньне.