Героем гульні стаў Міхаіл Грабоўскі, які забіў тры галы і зрабіў адну голевую перадачу.
Пасьля першага пэрыяду Славенія перамагала зь лікам 1:0, але беларуская дружына перахапіла ініцыятыву. Міхаіл Грабоўскі забіў першую шайбу ў беларусаў, потым зрабіў голевую перадачу Алегу Антаненку, а потым забіў яшчэ адзін гол за 15 сэкунд да сырэны, і пасьля другога пэрыяду лік стаў 4:2 на карысьць Беларусі.
У трэцім пэрыядзе Міхаіл Грабоўскі забіў яшчэ адну шайбу, і лік стаў 5:2. Канчатковую кропку у перамозе паставіў Аляксей Круцікаў, які забіў шостую і сёмую шайбу ў брамкі славенцаў.
Такім чынам, Беларусь мае дзьве перамогі ў дзьвюх гульнях. У параўнаньні з учорашняй цяжкай перамогай над Польшчай зь лікам 3:2 сёньняшняя гульня была нашмат больш выніковай.
Славенія страціла шанец патрапіць на Алімпіяду ў Турыне, а вырашальным матчам відавочна стане гульня нацыянальных дружынаў Латвіі й Беларусі ў нядзелю. Каб заняць на турніры першае месца і тым самым гарантаваць сабе ўдзел у зімовых Алімпійскіх гульнях 2006 году, беларускім хакеістам дастаткова згуляць з латышамі ўнічыю.
Капітан беларускай каманды Руслан Салей атрымаў траўму, калі шайба патрапіла яму ў твар і сур’ёзна параніла вока. Паведамляецца, што цяпер ён знаходзіцца ў рыскім шпіталі, і наўрад ці зможа згуляць у вырашальным матчы супраць Латвіі.
На здымку: Руслан Салей
Пасьля першага пэрыяду Славенія перамагала зь лікам 1:0, але беларуская дружына перахапіла ініцыятыву. Міхаіл Грабоўскі забіў першую шайбу ў беларусаў, потым зрабіў голевую перадачу Алегу Антаненку, а потым забіў яшчэ адзін гол за 15 сэкунд да сырэны, і пасьля другога пэрыяду лік стаў 4:2 на карысьць Беларусі.
У трэцім пэрыядзе Міхаіл Грабоўскі забіў яшчэ адну шайбу, і лік стаў 5:2. Канчатковую кропку у перамозе паставіў Аляксей Круцікаў, які забіў шостую і сёмую шайбу ў брамкі славенцаў.
Такім чынам, Беларусь мае дзьве перамогі ў дзьвюх гульнях. У параўнаньні з учорашняй цяжкай перамогай над Польшчай зь лікам 3:2 сёньняшняя гульня была нашмат больш выніковай.
Славенія страціла шанец патрапіць на Алімпіяду ў Турыне, а вырашальным матчам відавочна стане гульня нацыянальных дружынаў Латвіі й Беларусі ў нядзелю. Каб заняць на турніры першае месца і тым самым гарантаваць сабе ўдзел у зімовых Алімпійскіх гульнях 2006 году, беларускім хакеістам дастаткова згуляць з латышамі ўнічыю.
Капітан беларускай каманды Руслан Салей атрымаў траўму, калі шайба патрапіла яму ў твар і сур’ёзна параніла вока. Паведамляецца, што цяпер ён знаходзіцца ў рыскім шпіталі, і наўрад ці зможа згуляць у вырашальным матчы супраць Латвіі.
На здымку: Руслан Салей