Лінкі ўнівэрсальнага доступу

Цытаты мінулага – 11 лютага


Падрыхтаваў Зьміцер Падбярэскі Беларуская прэса розных гадоў 11 лютага.

“Калгаснік Беларусі”, 1935 год:

“Будаўніцтва маскоўскага метро праходзіла ўдарным парадкам. Пад кіраўніцтвам партыі і кіраўніка маскоўскіх бальшавікоў тав. Л.М.Кагановіча пабудавана першая чарга метро. 4 і 5 лютага пробны поезд метро прайшоў па ўсяму шляху. Былі іспытаны і правераны ўсе пуці першай чаргі, абсталяванне станцый і т.д. Усё аказалася ў парадку. У бліжэйшы час маскоўскі метро будзе пушчан. Большэвікі стварылі свой метро. Совецкая краіна пад кіраўніцтвам вялікага Сталіна заваявала новую буйную перамогу”.

“Сталинская молодежь”, 1955 год:

“Сёньня ў роднай сталіцы пачынаецца дэкада мастацтва і літаратуры Савецкай Беларусі. Пасланцы нашай рэспублікі прадэманструюць масквічам посьпехі беларускай культуры, якія дасягнуты пад кіраўніцтвам Камуністычнай партыі, пакажуць, як пад дабрадзейным уплывам культуры вялікага расейскага народу і пры ягонай пастаяннай дапамозе вырасьлі і ўмацаваліся тэатральнае, музычнае і выяўленчае мастацтва нашага народу, беларуская літаратура”.

“Магілёўскія ведамасці”, 1995 год:

“Завяршыўся афіцыйны візыт старшыні БНФ Зянона Пазьняка ў Вялікабрытанію. Па вяртаньні лідэр БНФ правёў прэсавую канфэрэнцыю. Падчас яе Зянон Пазьняк нэгатыўна выказаўся аб ініцыятыве Аляксандра Лукашэнкі правесьці рэфэрэндум па пытаньнях дзяржаўнай сымболікі, дзьвюхмоўнасьці, інтэграцыі з Расеяй. На ягоную думку, Прэзыдэнт выконвае палітычную замову суседняй краіны, скіраваную супраць нашай незалежнасьці. Пазьняк папярэдзіў, што калі гэтыя захады будуць працягвацца, то БНФ возьмецца за арганізацыю рэфэрэндуму аб даверы Прэзыдэнту”.
XS
SM
MD
LG