НЬЮ-ЁРК.Злучаныя Штаты і іх саюзьнікі заклікалі Паўночную Карэю адмовіцца ад свайго рашэньня выйсьці зь перамоўнага працэсу адносна яе ядзернай праграмы. Генэральны сакратар ААН Кофі Анан таксама заклікаў сталінісцкую дзяржаву вярнуцца за стол перамоваў. КНДР учора абвесьціла, што вырабляе бомбы, каб засьцерагчыся ад нападу ЗША. Дзяржсакратар Злучаных Штатаў Кандаліза Райс папярэдзіла Пхэньян, што збройныя амбіцыі паглыбяць яго міжнародную ізаляцыю.