Выніковыя дакумэнты Віленскай сустрэчы ўжо патрапілі на разгляд у парлямэнты эўрапейскіх краінаў. Нямецкі хрысьціянскі дэмакрат Вольфганг Зэндэр лічыць гэтыя рэкамэндацыі прадуманымі і канструктыўнымі.
(Зэндэр: ) “Стратэгія фонду Бэртэльсмана ўжо абмяркоўваецца рознымі фракцыямі. Мы лічым, што гэтая фундацыя мае зацікаўленую пазыцыю ў пытаньнях Беларусі. Фонд Бэртэльсмана заснаваны ў 1977 годзе. Гэта вельмі ўплывовая арганізацыя мэдыя-прадпрымальнікаў, адзін зь дзесяці найбуйнейшых мэдыйных канцэрнаў сьвету, да якога належыць такі канал як RTL. Арганізацыя падтрымлівае шматлікія праекты ў галіне эканомікі, кіраваньня, СМІ, палітыкі, адукацыі, аховы здароўя. Шмат праграмаў фонду накіраваныя на разьвіцьцё грамадзянскай супольнасьці ў посткамуністычных краінах”.
Новая стратэгія ў дачыненьні да Беларусі мае на мэце доўгатэрміновы ўплыў ЭЗ на прэзыдэнцкую выбарчую кампанію 2006.
***
Назіральнікі выдзяляюць ў рэкамэндацыях наступныя моманты:
1. Стварэньне ЭЗ гнуткага фінансавага мэханізму, які б мог спрыяць дэмакратычным працэсам ў Беларусі. Падкрэсьліваецца, што існуючая праграма ТАСІС ня надта накіраваная на патрэбы грамадзянскай супольнасьці. У гэтым зьвязку рэкамэндуецца стварыць адмысловы фонд для Беларусі, якім быў падкантрольным Эўракамісіі.
2. Узмацніць захады народнай дыпляматыі паміж Эўразьвязам і Беларусьсю ды заснаваць ў Менску Эўрапейскі дом, які б кампэнсаваў для беларусаў дэфіцыт інфармацыі пра новую Эўропу, а эўрапейцам – пра Беларусь.
3. Падвысіць доступ да каштоўнасьцяў Эўропы шляхам стварэньня адмысловага прадстаўніцтва Эўразьвязу.
Як лічаць распрацоўшчыкі беларускай канцэпцыі з фундацыі Бэртэльсмана, Эўропе неабходна знайсьці яркую палітычную асобу, якая б мела важкі голас для Беларусі і дапамагла разбурыць існуючую ізаляцыю ды самаізаляцыю, якія перашкаджаюць Беларусі супрацоўнічаць з Эўрапейскім Зьвязам.
(Зэндэр: ) “Стратэгія фонду Бэртэльсмана ўжо абмяркоўваецца рознымі фракцыямі. Мы лічым, што гэтая фундацыя мае зацікаўленую пазыцыю ў пытаньнях Беларусі. Фонд Бэртэльсмана заснаваны ў 1977 годзе. Гэта вельмі ўплывовая арганізацыя мэдыя-прадпрымальнікаў, адзін зь дзесяці найбуйнейшых мэдыйных канцэрнаў сьвету, да якога належыць такі канал як RTL. Арганізацыя падтрымлівае шматлікія праекты ў галіне эканомікі, кіраваньня, СМІ, палітыкі, адукацыі, аховы здароўя. Шмат праграмаў фонду накіраваныя на разьвіцьцё грамадзянскай супольнасьці ў посткамуністычных краінах”.
Новая стратэгія ў дачыненьні да Беларусі мае на мэце доўгатэрміновы ўплыў ЭЗ на прэзыдэнцкую выбарчую кампанію 2006.
***
Назіральнікі выдзяляюць ў рэкамэндацыях наступныя моманты:
1. Стварэньне ЭЗ гнуткага фінансавага мэханізму, які б мог спрыяць дэмакратычным працэсам ў Беларусі. Падкрэсьліваецца, што існуючая праграма ТАСІС ня надта накіраваная на патрэбы грамадзянскай супольнасьці. У гэтым зьвязку рэкамэндуецца стварыць адмысловы фонд для Беларусі, якім быў падкантрольным Эўракамісіі.
2. Узмацніць захады народнай дыпляматыі паміж Эўразьвязам і Беларусьсю ды заснаваць ў Менску Эўрапейскі дом, які б кампэнсаваў для беларусаў дэфіцыт інфармацыі пра новую Эўропу, а эўрапейцам – пра Беларусь.
3. Падвысіць доступ да каштоўнасьцяў Эўропы шляхам стварэньня адмысловага прадстаўніцтва Эўразьвязу.
Як лічаць распрацоўшчыкі беларускай канцэпцыі з фундацыі Бэртэльсмана, Эўропе неабходна знайсьці яркую палітычную асобу, якая б мела важкі голас для Беларусі і дапамагла разбурыць існуючую ізаляцыю ды самаізаляцыю, якія перашкаджаюць Беларусі супрацоўнічаць з Эўрапейскім Зьвязам.
