У розных рэгіёнах 5 лютага прайшлі прадпрымальніцкія сходы, на якіх абмяркоўвалася сытуацыя з падаткам на дабаўленую вартасьць. У Менску, напрыклад, такі сход адбыўся на рынку “Дынама”:
(Спадарыня: ) “У сувязі з тым, што падпісана пагадненьне паміж Расеяй і Беларусьсю, міністэрства па падатках і зборах вырашыла, што мы яшчэ зьяўляемся плацельшчыкамі падатку на дабаўленую вартасьць. Гэта 18 працэнтаў ад закупачнай вартасьці тавару”.
(Спадар: ) “Тут засталося 20 працэнтаў прадпрымальнікаў. Трэба падымаць “Дынама”. Прадпрымальнікам патрэбна дапамагаць. Дапамагаць, а не душыць. Таму што іх мала засталося. Гляньце: свабодныя месцы”.
(Спадарыня: ) “Наагул нічога ня робіцца, але новы падатак уводзіцца. Прычым, 18 працэнтаў – гэта цяжка ўявіць”.
(Іншы спадар: ) “Нам нават няма магчымасьці працаваць. Таму што прыйдуць, правераць, а паказаць няма чаго. Канфіскуюць, і ўсё”.
(Спадарыня: ) “10 лютага прадпрымальнікі ўсіх рынкаў горада-героя ды ўсёй краіны ня будуць працаваць. У нас аднадзённы папераджальны страйк”.
Прадпрымальнікі-“дынамаўцы” актыўна падпісваліся пад зваротам да ўраду пра неабходнасьць адмены падатку.
Гэткія ж настроі і ў прадпрымальнікаў Барысаву. Як паведаміў нашаму радыё іхны лідэр Віктар Гарбачоў, падпісная кампанія ахапіла ўсё мясцовыя рынкі:
(Гарбачоў: ) “У нас ужо 700 подпісаў. Назьбіралі ўмомант. І, я думаю, паўтары-дзьве тысячы да чацьвярга мы прывязем сюды, у Менск. Людзі згодныя спыніць працу 10 лютага, калі ня пойдуць на саступку”.
Між тым, кіраўніцтва Барысаўскага гарвыканкаму сьцьвярджае, што ў прадпрымальніцкім асяродзьдзі нічога ня адбываецца. Напрыклад, як зазначыў намесьнік старшыні гарвыканкаму Іосіф Зубовіч, ён ня чуў пра прадпрымальніцкія праблемы з падаткам:
(Зубовіч: ) “Ні аднаго прадпрымальніка ў мяне ў кабінэце на гэтую тэму ня было”.
Тым часам у Пінску мясцовыя гандляры страйкуюць ужо пяць дзён. Як паведаміў іхны лідэр Сяргей Касьцюковіч, сёньня тут таксама адбыўся сход, на якіх вырашана працягваць акцыю:
(Касьцюковіч: ) “Сёньня пасьля сходу я быў запрошаны ў міліцыю, для дачы тлумачэньняў наконт сходу. Пыталіся: чаму мы праводзім сходы на рынку, а не ў закрытым памяшканьні. Я кваліфікую гэта як спробу ўладаў аказаць ціск, у прыватнасьці, на мяне”.
(Спадарыня: ) “У сувязі з тым, што падпісана пагадненьне паміж Расеяй і Беларусьсю, міністэрства па падатках і зборах вырашыла, што мы яшчэ зьяўляемся плацельшчыкамі падатку на дабаўленую вартасьць. Гэта 18 працэнтаў ад закупачнай вартасьці тавару”.
(Спадар: ) “Тут засталося 20 працэнтаў прадпрымальнікаў. Трэба падымаць “Дынама”. Прадпрымальнікам патрэбна дапамагаць. Дапамагаць, а не душыць. Таму што іх мала засталося. Гляньце: свабодныя месцы”.
(Спадарыня: ) “Наагул нічога ня робіцца, але новы падатак уводзіцца. Прычым, 18 працэнтаў – гэта цяжка ўявіць”.
(Іншы спадар: ) “Нам нават няма магчымасьці працаваць. Таму што прыйдуць, правераць, а паказаць няма чаго. Канфіскуюць, і ўсё”.
(Спадарыня: ) “10 лютага прадпрымальнікі ўсіх рынкаў горада-героя ды ўсёй краіны ня будуць працаваць. У нас аднадзённы папераджальны страйк”.
Прадпрымальнікі-“дынамаўцы” актыўна падпісваліся пад зваротам да ўраду пра неабходнасьць адмены падатку.
Гэткія ж настроі і ў прадпрымальнікаў Барысаву. Як паведаміў нашаму радыё іхны лідэр Віктар Гарбачоў, падпісная кампанія ахапіла ўсё мясцовыя рынкі:
(Гарбачоў: ) “У нас ужо 700 подпісаў. Назьбіралі ўмомант. І, я думаю, паўтары-дзьве тысячы да чацьвярга мы прывязем сюды, у Менск. Людзі згодныя спыніць працу 10 лютага, калі ня пойдуць на саступку”.
Між тым, кіраўніцтва Барысаўскага гарвыканкаму сьцьвярджае, што ў прадпрымальніцкім асяродзьдзі нічога ня адбываецца. Напрыклад, як зазначыў намесьнік старшыні гарвыканкаму Іосіф Зубовіч, ён ня чуў пра прадпрымальніцкія праблемы з падаткам:
(Зубовіч: ) “Ні аднаго прадпрымальніка ў мяне ў кабінэце на гэтую тэму ня было”.
Тым часам у Пінску мясцовыя гандляры страйкуюць ужо пяць дзён. Як паведаміў іхны лідэр Сяргей Касьцюковіч, сёньня тут таксама адбыўся сход, на якіх вырашана працягваць акцыю:
(Касьцюковіч: ) “Сёньня пасьля сходу я быў запрошаны ў міліцыю, для дачы тлумачэньняў наконт сходу. Пыталіся: чаму мы праводзім сходы на рынку, а не ў закрытым памяшканьні. Я кваліфікую гэта як спробу ўладаў аказаць ціск, у прыватнасьці, на мяне”.