У Асьвенціме а 15-й гадзіне паводле Менскага часу пачнуцца галоўныя ўрачыстасьці. Журналістаў павезьлі ў Асьвенцім з Кракава адмысловымі аўтобусамі, бо амаль нідзе ў раёне Кракава, Катовіц ці Асьвенціма ехаць на ўласным аўтамабілі будзе немагчыма – з-за шматлікіх картэжаў афіцыйных дэлегацыяў большасьць дарогаў перакрылі яшчэ ўчора.
Між тым учора ў цэнтры Кракава каля помніка Адаму Міцкевічу адбылася дэманстрацыя пратэсту супраць прыезду ў Польшчу Пуціна. Дэманстранты заявілі, што ў Асьвенцім ня мае маральнага права прыяжджаць чалавек, які адказвае за генацыд чачэнскага народу.
Адметна, што сам Пуцін, які меўся прыляцець у Кракаў учора ўвечары і, сярод іншага, сустрэцца з Аляксандрам Квасьнеўскім, нечакана адклаў палёт на сёньня. Афіцыйна паведамляецца, што з-за дрэннага надвор’я – але, да прыкладу, Дзіку Чэйні, Віктару Юшчанку ды іншым кіраўнікам гэтае надвор’е прыляцець у Кракаў не перашкодзіла.
Паводле некаторых назіральнікаў, Расея такім чынам помсьціць Польшчы, сярод іншага, за ўдзел ва ўкраінскіх падзеях. Вось што сказаў у гэтай справе аглядальнік Славамір Папоўскі:
(Папоўскі: ) “Пасьля таго, што здарылася цягам апошніх месяцаў ва Ўкраіне, пасьля вельмі нэгатыўнай рэакцыі расейскага кіраўніцтва на працу польскіх журналістаў у Бэслане, у Крамлі сфармавалася даволі нэгатыўнае, я б сказаў, вельмі насьцярожанае стаўленьне да Польшчы. Але, як мне падаецца, трэба не зьвяртаць на гэта ўвагі і надалей рабіць тое, што трэба”.
Цікава яшчэ, што ўчора прэзыдэнт Украіны Віктар Юшчанка заявіў, што разьлічвае пачаць перамовы аб далучэньні сваёй краіны да Эўразьвязу ўжо ў 2007 годзе.
Што да сёньняшніх падзеяў, дык сёньня палітыка ўжо будзе на другім пляне, а галоўная ўвага будзе скіравная на вязьняў канцлягеру, якія выжылі і сёньня прыехалі сюды. Чакаюцца прамовы прэзыдэнтаў Польшчы, Ізраілю і Расеі, жалобныя набажэнствы – удзельнікі ўрачысьцяў запаляць таксама тысячы сьвечак.
На здымку: прэзыдэнт Расеі Ўладзімір Пуцін
Між тым учора ў цэнтры Кракава каля помніка Адаму Міцкевічу адбылася дэманстрацыя пратэсту супраць прыезду ў Польшчу Пуціна. Дэманстранты заявілі, што ў Асьвенцім ня мае маральнага права прыяжджаць чалавек, які адказвае за генацыд чачэнскага народу.
Адметна, што сам Пуцін, які меўся прыляцець у Кракаў учора ўвечары і, сярод іншага, сустрэцца з Аляксандрам Квасьнеўскім, нечакана адклаў палёт на сёньня. Афіцыйна паведамляецца, што з-за дрэннага надвор’я – але, да прыкладу, Дзіку Чэйні, Віктару Юшчанку ды іншым кіраўнікам гэтае надвор’е прыляцець у Кракаў не перашкодзіла.
Паводле некаторых назіральнікаў, Расея такім чынам помсьціць Польшчы, сярод іншага, за ўдзел ва ўкраінскіх падзеях. Вось што сказаў у гэтай справе аглядальнік Славамір Папоўскі:
(Папоўскі: ) “Пасьля таго, што здарылася цягам апошніх месяцаў ва Ўкраіне, пасьля вельмі нэгатыўнай рэакцыі расейскага кіраўніцтва на працу польскіх журналістаў у Бэслане, у Крамлі сфармавалася даволі нэгатыўнае, я б сказаў, вельмі насьцярожанае стаўленьне да Польшчы. Але, як мне падаецца, трэба не зьвяртаць на гэта ўвагі і надалей рабіць тое, што трэба”.
Цікава яшчэ, што ўчора прэзыдэнт Украіны Віктар Юшчанка заявіў, што разьлічвае пачаць перамовы аб далучэньні сваёй краіны да Эўразьвязу ўжо ў 2007 годзе.
Што да сёньняшніх падзеяў, дык сёньня палітыка ўжо будзе на другім пляне, а галоўная ўвага будзе скіравная на вязьняў канцлягеру, якія выжылі і сёньня прыехалі сюды. Чакаюцца прамовы прэзыдэнтаў Польшчы, Ізраілю і Расеі, жалобныя набажэнствы – удзельнікі ўрачысьцяў запаляць таксама тысячы сьвечак.
На здымку: прэзыдэнт Расеі Ўладзімір Пуцін
