Пасьля рашэньня беларускага замежнапалітычнага ведамства аб дэпартацыі аташэ чэскай амбасады ў Менску Паўла Кржываглавага часовы павераны ў справах Беларусі ў Чэхіі Мікалай Барысевіч быў выкліканы ў МЗС Чэхіі.
Спадару Барысевічу была ўручаная нота МЗС Чэхіі, у якой адзін зь беларускіх дыпляматаў быў абвечшаны пэрсонай нон грата.
Паводле прэсавага сакратара МЗС Беларусі Андрэя Савіных, гэта было патлумачана як крок у адказ на высылку спадара Кржываглавага.
Спадар Савіных у сувязі з гэтым выступіў з новай заявай ад імя свайго ведамства:
(Савіных: ) “Мы лічым, што зьнешнепалітычнае ведамства Чэхіі перадузята разумее прынцып узаемнасьці. Павал Кржываглавы павінен пакінуць тэрыторыю Беларусі ў сувязі з працэсуальна замацаванымі і даказацельна пацьверджанымі фактамі парушэньня ім двух артыкулаў крымінальнага кодэксу Беларусі, у прыватнасьці артыкулу 169, часткі першай, аб разбэшчваньні асобаў, якія не дасягнулі 16-гадовага ўзросту”.
Андрэй Савіных сказаў таксама, што беларускі бок пакуль не плянуе адклікаць свайго часовага паверанага з Прагі ў адказ на падобныя дзеяньні чэскіх уладаў. Прозьвішча беларускага дыплямата, які павінен вярнуцца ў Менск, названа не было.
Паводле спадара Савіных, чэскі часовы павераны ў справах у Беларусі Уладзімір Румл да сёньняшняга дня знаходзіўся ў Празе ў адпачынку. У сувязі са скандалам МЗС Чэхіі адклікаў яго для кансультацыяў.
Гл.таксама Беларускія ўлады дэпартуюць чэскага дыплямата
Спадару Барысевічу была ўручаная нота МЗС Чэхіі, у якой адзін зь беларускіх дыпляматаў быў абвечшаны пэрсонай нон грата.
Паводле прэсавага сакратара МЗС Беларусі Андрэя Савіных, гэта было патлумачана як крок у адказ на высылку спадара Кржываглавага.
Спадар Савіных у сувязі з гэтым выступіў з новай заявай ад імя свайго ведамства:
(Савіных: ) “Мы лічым, што зьнешнепалітычнае ведамства Чэхіі перадузята разумее прынцып узаемнасьці. Павал Кржываглавы павінен пакінуць тэрыторыю Беларусі ў сувязі з працэсуальна замацаванымі і даказацельна пацьверджанымі фактамі парушэньня ім двух артыкулаў крымінальнага кодэксу Беларусі, у прыватнасьці артыкулу 169, часткі першай, аб разбэшчваньні асобаў, якія не дасягнулі 16-гадовага ўзросту”.
Андрэй Савіных сказаў таксама, што беларускі бок пакуль не плянуе адклікаць свайго часовага паверанага з Прагі ў адказ на падобныя дзеяньні чэскіх уладаў. Прозьвішча беларускага дыплямата, які павінен вярнуцца ў Менск, названа не было.
Паводле спадара Савіных, чэскі часовы павераны ў справах у Беларусі Уладзімір Румл да сёньняшняга дня знаходзіўся ў Празе ў адпачынку. У сувязі са скандалам МЗС Чэхіі адклікаў яго для кансультацыяў.
Гл.таксама Беларускія ўлады дэпартуюць чэскага дыплямата