ТЭГЕРАН. Іран даў дазвол Міжнароднай агенцыі па атамнай энэргіі узяць экалягічныя ўзоры са свайго вайсковага досьледнага палігону Парчын, каб давесьці, што Іран не праводзіць ваенных ядзерных дасьледаваньняў. Аднак інспэктараў МАГАТЭ на тэрыторыю Парчыну не дапусьцілі. ЗША і іншыя заходнія краіны ня раз выказвалі падазрэньне, што Іран мае ўласную ваенную ядзерную праграму.