Менскі міжгарнізонны вайсковы суд прызнаў вінаватым ў зводніцтве былога супрацоўніка КГБ Паўла Ганжына, які раней працаваў у падразьдзяленьні інфармацыйнай бясьпекі цэнтральнага апарату камітэту.
Вынаходлівы малады чалавек у вольны ад службы час праз інтэрнэт наладзіў бізнэс: забясьпечваў кліентаў менскімі прастытуткамі. Зводнікам Павал Ганжын працаваў нядоўга — толькі чатырох кліентаў пасьпелі абслужыць прастытуткі, зьвесткі якіх супрацоўнік КГБ разьмясьціў на адмыслова створаным сайце.
Узнагарода за гэтыя паслугі склала ўсяго 60 даляраў. Пры атрыманьні другога ганарару зводніка затрымалі міліцыянты з управы нораваў і незаконнага абароту наркотыкаў.
Менскі міжгарнізонны суд пакараў Паўла Ганжына грашовым штрафам больш за 1000 даляраў. Максымальнае пакараньне за зводніцтва прадугледжвае да 5 гадоў зьняволеньня.
Камэнтар да гэтай гісторыі ў КГБ Беларусі атрымаць не ўдалося. Вядома толькі, што яшчэ да суду Паўла Ганжына з КГБ звольнілі. Паводле крыніцаў, пачатковец у цэнтральным апараце КГБ атрымлівае да 200 даляраў штомесяц.
Вынаходлівы малады чалавек у вольны ад службы час праз інтэрнэт наладзіў бізнэс: забясьпечваў кліентаў менскімі прастытуткамі. Зводнікам Павал Ганжын працаваў нядоўга — толькі чатырох кліентаў пасьпелі абслужыць прастытуткі, зьвесткі якіх супрацоўнік КГБ разьмясьціў на адмыслова створаным сайце.
Узнагарода за гэтыя паслугі склала ўсяго 60 даляраў. Пры атрыманьні другога ганарару зводніка затрымалі міліцыянты з управы нораваў і незаконнага абароту наркотыкаў.
Менскі міжгарнізонны суд пакараў Паўла Ганжына грашовым штрафам больш за 1000 даляраў. Максымальнае пакараньне за зводніцтва прадугледжвае да 5 гадоў зьняволеньня.
Камэнтар да гэтай гісторыі ў КГБ Беларусі атрымаць не ўдалося. Вядома толькі, што яшчэ да суду Паўла Ганжына з КГБ звольнілі. Паводле крыніцаў, пачатковец у цэнтральным апараце КГБ атрымлівае да 200 даляраў штомесяц.