Узорам сямейнага стылю сьвяткаваньня – былы прэм’ер-міністар Беларусі Міхаіл Чыгір.
(Чыгір: ) “Як заўсёды, у сям’і. Сьвята сямейнае, таму толькі ў сям’і”.
(Карэспандэнт: ) “Гэта ў вас традыцыйны спосаб адзначэньня?”
(Чыгір: ) “Так”.
Адмаўляюцца ад экстравагантных спосабаў увайсьці ў чарговы каляндарны год і людзі, схільныя да нестандартных учынкаў. Так, мастак Артур Клінаў катэгарычна заяўляе:
(Клінаў: ) “Ніякіх пэрфомансаў. Жонка ў гэты год патрабуе нейкую кампанію, дома адзначаць ня хоча, дык паедзем да рэжысэра Андрэя Кудзіненкі, ён запрашаў, а там ужо будзем імправізаваць – як атрымаецца”.
(Карэспандэнт: ) “Іншымі словамі, працяг можа быць розны?”
(Клінаў: ) “Натуральна, усё можа быць. Але адмыслова, прынамсі, я сёлета не рыхтаваў нічога”.
А вось у прадстаўнікоў яшчэ адной галіны, гэтым разам спартовай, калядныя ды навагоднія сьвяты ёсьць рэдкай магчымасьцю пабыць дома. Праўда, алімпійскі чэмпіён у дзюдо Ігар Макараў спадзяваўся, што сьвяты супадуць яшчэ і з абяцаным на вышэйшым узроўні навасельлем. Аднак у дадзеным выпадку абяцанка якраз і атрымалася “цацанкай”.
(Макараў: ) “Буду сустракаць Новы год у Гомелі. Новай кватэры няма, і тое, што казалі наконт Менску – увогуле нуль. Проста людзям трэба нагаварыць, што ў краіне на Новы год усё цудоўна. Насамрэч, нічога такога няма нават і блізка. Яно і зразумела: навошта народ настройваць на горшае? Трэба шмат разоў паўтарыць, што ўсё нармалёва. Таму і ў мяне ўсё выдатна”.
Праўда, радасьці ў голасе алімпійскага чэмпіёну чамусьці няшмат. Гэтаксама ня самым вясёлым атрымліваецца Новы год і ў палітоляга Аляксандра Фядуты: у гэты дзень ён памінае сваю маці.
(Фядута: ) “31 сьнежня – гэта яшчэ і дзень нараджэньня маёй нябожчыцы-маці, таму зараз для мяне гэта яшчэ трохі і сумны дзень. Але заўжды 31-га я сустракаю зь сям’ёй. Я вельмі хачу, каб будучы год быў добрым і сьветлым, але, на жаль, разумею, што, магчыма, будзе інакш”.
Далёкія ад аптымізму і ўдзельнікі ўсё больш віртуальнага комік-дуэту “Саша і Сірожа”. Папулярных пэрсанажаў у 2004 годзе прымусілі да тэлевізійнай эміграцыі, а спробы вярнуцца ў эфір на Першым музычным канале аказаліся марнымі. Гаворыць “Саша”, ён жа Аляксей Хацкевіч.
(Хацкевіч: ) “Звычайна мы сустракаем Новы год дома, зь сям’ёй, а потым куды-небудзь ідзем. Летась у майстэрні сустракалі, а аднойчы і ўвогуле ў дарозе. У любым выпадку спрабуем адзначыць так, каб запомнілася. Але зараз назапасілася нейкая стомленасьць. Да таго ж, вірус гуляе, таму лепей сьвяткаваць у сям’і, ну яго на фіг. Ня хочацца нейкіх лішніх рухаў рабіць”.
Пачуць асаблівых плянаў на адзначэньне Новага году так і не ўдалося. Праўдападобна, Новы год насамрэч ёсьць для беларусаў самым сямейным сьвятам.
(Чыгір: ) “Як заўсёды, у сям’і. Сьвята сямейнае, таму толькі ў сям’і”.
(Карэспандэнт: ) “Гэта ў вас традыцыйны спосаб адзначэньня?”
(Чыгір: ) “Так”.
Адмаўляюцца ад экстравагантных спосабаў увайсьці ў чарговы каляндарны год і людзі, схільныя да нестандартных учынкаў. Так, мастак Артур Клінаў катэгарычна заяўляе:
(Клінаў: ) “Ніякіх пэрфомансаў. Жонка ў гэты год патрабуе нейкую кампанію, дома адзначаць ня хоча, дык паедзем да рэжысэра Андрэя Кудзіненкі, ён запрашаў, а там ужо будзем імправізаваць – як атрымаецца”.
(Карэспандэнт: ) “Іншымі словамі, працяг можа быць розны?”
(Клінаў: ) “Натуральна, усё можа быць. Але адмыслова, прынамсі, я сёлета не рыхтаваў нічога”.
А вось у прадстаўнікоў яшчэ адной галіны, гэтым разам спартовай, калядныя ды навагоднія сьвяты ёсьць рэдкай магчымасьцю пабыць дома. Праўда, алімпійскі чэмпіён у дзюдо Ігар Макараў спадзяваўся, што сьвяты супадуць яшчэ і з абяцаным на вышэйшым узроўні навасельлем. Аднак у дадзеным выпадку абяцанка якраз і атрымалася “цацанкай”.
(Макараў: ) “Буду сустракаць Новы год у Гомелі. Новай кватэры няма, і тое, што казалі наконт Менску – увогуле нуль. Проста людзям трэба нагаварыць, што ў краіне на Новы год усё цудоўна. Насамрэч, нічога такога няма нават і блізка. Яно і зразумела: навошта народ настройваць на горшае? Трэба шмат разоў паўтарыць, што ўсё нармалёва. Таму і ў мяне ўсё выдатна”.
Праўда, радасьці ў голасе алімпійскага чэмпіёну чамусьці няшмат. Гэтаксама ня самым вясёлым атрымліваецца Новы год і ў палітоляга Аляксандра Фядуты: у гэты дзень ён памінае сваю маці.
(Фядута: ) “31 сьнежня – гэта яшчэ і дзень нараджэньня маёй нябожчыцы-маці, таму зараз для мяне гэта яшчэ трохі і сумны дзень. Але заўжды 31-га я сустракаю зь сям’ёй. Я вельмі хачу, каб будучы год быў добрым і сьветлым, але, на жаль, разумею, што, магчыма, будзе інакш”.
Далёкія ад аптымізму і ўдзельнікі ўсё больш віртуальнага комік-дуэту “Саша і Сірожа”. Папулярных пэрсанажаў у 2004 годзе прымусілі да тэлевізійнай эміграцыі, а спробы вярнуцца ў эфір на Першым музычным канале аказаліся марнымі. Гаворыць “Саша”, ён жа Аляксей Хацкевіч.
(Хацкевіч: ) “Звычайна мы сустракаем Новы год дома, зь сям’ёй, а потым куды-небудзь ідзем. Летась у майстэрні сустракалі, а аднойчы і ўвогуле ў дарозе. У любым выпадку спрабуем адзначыць так, каб запомнілася. Але зараз назапасілася нейкая стомленасьць. Да таго ж, вірус гуляе, таму лепей сьвяткаваць у сям’і, ну яго на фіг. Ня хочацца нейкіх лішніх рухаў рабіць”.
Пачуць асаблівых плянаў на адзначэньне Новага году так і не ўдалося. Праўдападобна, Новы год насамрэч ёсьць для беларусаў самым сямейным сьвятам.
