Лінкі ўнівэрсальнага доступу

logo-print

Колькасьць ахвяраў цунамі можа сягаць 125 тысячаў


КАЛОМБА. Колькасьць ахвяраў цунамі працягвае павялічвацца. Цяпер вядома, што загінулі прынамсі 80 тысячаў чалавек, паводле іншых крыніцаў, колькасьць загіблых можа дасягнуць 125 тысячаў. Аднак гэтыя зьвесткі не канчатковыя. У Тайляндзе бязь вестак зьніклі амаль паўтары тысячы швэдаў, каля тысячы немцаў і 350 нарвэжцаў. ААН папярэджвае пра небясьпеку эпідэміяў інфэкцыйных захворваньняў, таму што мільёны людзей адчуваюць недахоп прадуктаў харчаваньня, пітной вады і лекаў. Прэзыдэнт Злучаных Штатаў Джордж Буш абвясьціў аб стварэньні групы ў складзе ЗША, Японіі, Індыі і Аўстраліі, мэта якой – каардынаваць дапамогу ахвярам катастрофы. Паводле расейскіх афіцыйных асобаў, Масква дасылае ў Шры-Ланку болей за 20 тонаў розных грузаў, уключна з намётамі і станцыямі ачысткі вады.
XS
SM
MD
LG