Лінкі ўнівэрсальнага доступу

Былы міністар абароны Польшчы: Расея баіцца, што ўкраінскія падзеі могуць паўтарыцца ў Беларусі ці нават у Расеі


Аляксей Дзікавіцкі, Варшава Браніслаў Камароўскі – былы міністар абароны, а цяпер адзін з лідэраў найбольш папулярнай у Польшчы партыі “Грамадзянская плятформа”, заявіў сёньня журналістам, што, на ягоную думку, Масква занепакоеная тым, што “украінскі сцэнар” можа распаўсюдзіцца на саму Расею, а таксама на Беларусь.

(Камароўскі: ) “Гэта простая і зразумелая думка, што раней ці пазьней на чырвонай плошчы ў Маскве можа зьявіцца свой лягер з намётаў, дакладна такі, як на пляцы незалежнасьці ў Кіеве. Акрамя гэтага, несумненна, посьпехі Украіны на шляху на Захад будуць спрыяць пабудове грамадзянскай супольнасьці ў Беларусі, як і ў самой Расеі”.

Паводле спадара Камароўскага, Масква ўсё ж будзе вымушаная зьмірыцца з празаходнім выбарам Украіны, бо “шмат хто ў Расеі разумее, што далучэньне Украіны і Беларусі да Эўразьязу было б вельмі і вельмі карыснае для расейскай гаспадаркі”.
XS
SM
MD
LG