Пастара поўнаэвангельскай царквы “Новае жыцьцё” Вячаслава Ганчарэнку выклікалі 15 сьнежня ў Менскі гарвыканкам і перадалі рашэньне, падпісанае старшынём Міхаілам Паўлавым. Пратэстантам адмовілі ў дзяржаўнай перарэгістрацыі, бо шэраг палажэньняў іх статуту нібыта не адпавядаюць беларускаму заканадаўству.
Чыноўнікам не спадабалася, што поўная назва царквы была напісаная па-ангельску, статут не вызначае парадку сяброўства ў царкве, ня вызначаныя яе асноўныя формы дзейнасьці, тэрмін паўнамоцтваў найвышэйшага кіраўніцтва і іх пераабраньня і г.д.
Чыноўнікі таксама лічаць незаконным тое, што юрыдычны адрас пратэстанцкай грамады месьціўся ў купленым вернікамі ва ўласнасьць былым будынку жывёлагадоўчай фэрмы.
Пастар царквы “Новае жыцьцё” Вячаслаў Ганчарэнка так пракамэнтаваў гэтае рашэньне ўладаў:
(Ганчарэнка: ) “Я думаю, што гэта асабістыя амбіцыі пэўных чыноўнікаў. Царква застанецца й будзе існаваць без рэгістрацыі. Тысяча чалавек будзе працаваць і ў падпольлі. Гэта божая справа, якую немагчыма зьнішчыць. Колькі было людзей у гісторыі, якія ішлі супраць царквы — і нікому гэта не даравалася. Іх ужо няма, а царква жыве й будзе жыць”.
Месяц таму адміністрацыя Маскоўскага раёну Менску пазбавіла царкву юрыдычнага адрасу, а ў судзе працягваецца разгляд адміністрацыйнай справы актывіста “Новага жыцьця” Васіля Юрэвіча, які абвінавачваецца ў арганізацыі незаконных рэлігійных сходаў. А днямі кіраўнікі царквы атрымалі ліст з раённай адміністрацыі. Чыноўнікі патрабуюць, каб да 1 студзеня 2005 году было спыненае самавольнае будаўніцтва на вуліцы Кавалёва, 72 у Менску, а пабудовы ліквідаваныя. У адваротным выпадку ўлады абяцаюць ліквідаваць пабудовы сваімі сіламі.
Васіль Юрэвіч гаворыць, што ніякага будаўніцтва на месцы правядзеньня набажэнстваў не вядзецца. Там была пастаўленая толькі часовая прыбіральня, а таксама забітыя дзіркі ў былым калгасным кароўніку.
Вернікі саступаць ціску ўладаў не зьбіраюцца. Гаворыць Васіль Юрэвіч:
(Юрэвіч: ) “Мы гатовыя стаць жывым ланцугом вакол нашага будынку. Ўрэшце мы за яго плацілі грошы, і проста так не аддамо. Нашыя людзі да гэтага гатовыя. Яны сутыкнуцца з жывымі людзьмі, калі прыедуць на трактарах. Прыйдзецца ім ехаць на людзей”.
Сёньня газэта “Советская Белоруссия” зьмясьціла інтэрвію з начальнікам аддзела Камітэту ў справах рэлігіяў і нацыянальнасьцяў Аляксандрам Калінавым. Ён гаворыць, што ў Беларусі перарэгістраваныя больш за 99% рэлігійных аб’яднаньняў. А царква “Новае жыцьцё”, паводле спадара Калінава, не перарэгістраваная толькі таму, што разьмясьціла свой юрыдычны адрас у кароўніку.
Чыноўнікам не спадабалася, што поўная назва царквы была напісаная па-ангельску, статут не вызначае парадку сяброўства ў царкве, ня вызначаныя яе асноўныя формы дзейнасьці, тэрмін паўнамоцтваў найвышэйшага кіраўніцтва і іх пераабраньня і г.д.
Чыноўнікі таксама лічаць незаконным тое, што юрыдычны адрас пратэстанцкай грамады месьціўся ў купленым вернікамі ва ўласнасьць былым будынку жывёлагадоўчай фэрмы.
Пастар царквы “Новае жыцьцё” Вячаслаў Ганчарэнка так пракамэнтаваў гэтае рашэньне ўладаў:
(Ганчарэнка: ) “Я думаю, што гэта асабістыя амбіцыі пэўных чыноўнікаў. Царква застанецца й будзе існаваць без рэгістрацыі. Тысяча чалавек будзе працаваць і ў падпольлі. Гэта божая справа, якую немагчыма зьнішчыць. Колькі было людзей у гісторыі, якія ішлі супраць царквы — і нікому гэта не даравалася. Іх ужо няма, а царква жыве й будзе жыць”.
Месяц таму адміністрацыя Маскоўскага раёну Менску пазбавіла царкву юрыдычнага адрасу, а ў судзе працягваецца разгляд адміністрацыйнай справы актывіста “Новага жыцьця” Васіля Юрэвіча, які абвінавачваецца ў арганізацыі незаконных рэлігійных сходаў. А днямі кіраўнікі царквы атрымалі ліст з раённай адміністрацыі. Чыноўнікі патрабуюць, каб да 1 студзеня 2005 году было спыненае самавольнае будаўніцтва на вуліцы Кавалёва, 72 у Менску, а пабудовы ліквідаваныя. У адваротным выпадку ўлады абяцаюць ліквідаваць пабудовы сваімі сіламі.
Васіль Юрэвіч гаворыць, што ніякага будаўніцтва на месцы правядзеньня набажэнстваў не вядзецца. Там была пастаўленая толькі часовая прыбіральня, а таксама забітыя дзіркі ў былым калгасным кароўніку.
Вернікі саступаць ціску ўладаў не зьбіраюцца. Гаворыць Васіль Юрэвіч:
(Юрэвіч: ) “Мы гатовыя стаць жывым ланцугом вакол нашага будынку. Ўрэшце мы за яго плацілі грошы, і проста так не аддамо. Нашыя людзі да гэтага гатовыя. Яны сутыкнуцца з жывымі людзьмі, калі прыедуць на трактарах. Прыйдзецца ім ехаць на людзей”.
Сёньня газэта “Советская Белоруссия” зьмясьціла інтэрвію з начальнікам аддзела Камітэту ў справах рэлігіяў і нацыянальнасьцяў Аляксандрам Калінавым. Ён гаворыць, што ў Беларусі перарэгістраваныя больш за 99% рэлігійных аб’яднаньняў. А царква “Новае жыцьцё”, паводле спадара Калінава, не перарэгістраваная толькі таму, што разьмясьціла свой юрыдычны адрас у кароўніку.