Лінкі ўнівэрсальнага доступу

15% беларусаў не аплацілі рахункі за камунальныя паслугі


Ул. інф. Больш за 15%, ці кожны сёмы жыхар Беларусі, маюць запазычанасьць па камунальных плацяжох – паведаміў сёньня міністар жылкамунгасу краіны Ўладзімер Белахвостаў.

Уладзімер Белахвостаў сказаў, што ў Беларусі рэдка практыкуецца высяленьне з кватэраў за неплацяжы – сёлета было выселена 10 сем’яў.

Міністар выказаў меркаваньне, што павялічэньне да канца 2005 году сярэдняга заробку да 250 даляраў дазволіць зьнізіць колькасьць неплацельшчыкаў па камунальных плацяжох.

Уладзімер Белахвостаў таксама паведаміў, што ў Беларусі не плянуецца скарачэньні льготаў па гэтых выплатах. Ільготнымі тарыфамі карыстаюцца ў Беларусі 370 тысячаў чалавек, у асноўным гэта героі сацыялістычнай працы, удзельнікі Другой сусьветнай вайны, інваліды.
XS
SM
MD
LG