АШГАБАТ. Генэральны пракурор Таджыкістану заявіў, што адзін зь лідэраў апазыцыі Махмадрузі Іскандараў, які жыў у выгнаньні, затрыманы ў Расеі і будзе выдадзены таджыцкім уладам. Ніякіх абвінавачаньняў супраць Іскандарава ня высунулі, прычына арышту не паведамляецца. Сябра кіраўніцтва Дэмакратычнай Партыі, да якое належыць Іскадараў, Пахматулло Валіеў, заявіў, што Іскандарава хочуць прыбраць з палітычнай сцэны напярэдадні парлямэнцкіх выбараў, якія адбудуцца ў Таджыкістане ў лютым.