Багдановічаву “Зорку Вэнэру” каля помніка паэту сьпяваў колішні саліст хору опэрнага тэатру Ўладзімер Цімашэвіч. Таксама тут гучала ягоная “Пагоня” і многія вершы, якія чыталі менскія школьнікі. Адна з удзельніц імпрэзы — Лета Юстыновіч — зьвярнула на гэта асаблівую ўвагу.
(Юстыновіч: ) “Сёлетняе сьвята крыху не падобнае на іншыя, бо штогоду сюды прыходзіць усё больш моладзі, і нас гэта вельмі цешыць”.
Ускладаньне кветак да помніка Максіму Багдановічу ў дзень народзінаў — імпрэза штогадовая. Але сёлета разам з традыцыйнымі бел-чырвона-белымі гвазьдзікамі й стужкамі да манумэнту ляглі таксама кветкі аранжавых колераў. Гэта знак салідарнасьці з народам Украіны, які цяпер змагаецца за сваю свабоду, — патлумачыла яшчэ адна ўдзельніца сьвята Вера Ціцянкова.
(Ціцянкова: ) “Вельмі радасна, што тут ёсьць аранжавыя колеры. І ў нас ёсьць спадзеў, што і ў нашай краіне зьменіцца ўсё да лепшага. Няхай жыве Максім Багдановіч і Жыве Беларусь!”
Угодкі народзінаў паэта завершыліся сьвяточнай імпрэзай у літаратурным музэі Максіма Багдановіча ў Траецкім прадмесьці Менску.
(Юстыновіч: ) “Сёлетняе сьвята крыху не падобнае на іншыя, бо штогоду сюды прыходзіць усё больш моладзі, і нас гэта вельмі цешыць”.
Ускладаньне кветак да помніка Максіму Багдановічу ў дзень народзінаў — імпрэза штогадовая. Але сёлета разам з традыцыйнымі бел-чырвона-белымі гвазьдзікамі й стужкамі да манумэнту ляглі таксама кветкі аранжавых колераў. Гэта знак салідарнасьці з народам Украіны, які цяпер змагаецца за сваю свабоду, — патлумачыла яшчэ адна ўдзельніца сьвята Вера Ціцянкова.
(Ціцянкова: ) “Вельмі радасна, што тут ёсьць аранжавыя колеры. І ў нас ёсьць спадзеў, што і ў нашай краіне зьменіцца ўсё да лепшага. Няхай жыве Максім Багдановіч і Жыве Беларусь!”
Угодкі народзінаў паэта завершыліся сьвяточнай імпрэзай у літаратурным музэі Максіма Багдановіча ў Траецкім прадмесьці Менску.
