У Марыінскім палацы пачаўся трэці раўнд перамоваў кандыдатаў на пасаду прэзыдэнта Ўкріаны Віктара Юшчанкі і Віктара Януковіча, пры ўдзеле Леаніда Кучмы, сьпікера Вярхоўнай Рады Ўладзімера Літвіна і міжнароджных пасярэднікаў.
Дзейны прэзыдэнт Украіны Леанід Кучма раней сёньня зноў сабраў частку ўраду, без Януковіча, ў сваёй загараднай рэзыдэнцыі і заявіў сваю пазыцыю.
Упершыню ён ацаніў рашэньне Вярхоўнага суду, сказаўшы, што “яго трэба выконваць”.
(Кучма: ) “Я яшчэ раз хачу заявіць, што я гатовы на далейшыя крокі, каб зьняць нічым, на мой погляд, не матываваную напружанасьць у грамадзтве”.
Паводле Леаніда Кучмы, адстаўка ўраду Януковіча, чаго дамагаецца апазыцыя, і фармаваньне новага кабінэту магчымыя толькі ў выпадку зьмяненьняў Канстытуцыі.
Кучма зноў запатрабаваў, каб закон, які б забясьпечваў сумленнасьць выбарчага працэсу, і зьмены ў Канстытуцыі, што абмяжоўваюць правы прэзыдэнта, прымаліся адным пакетам. І ён нават гатовы іх падпісаць адразу ў сэсійнай зале парлямэнту.
Гаворачы пра патрабаваньні апазыцыі накіраваць у адстаўку ЦВК, Кучма заявіў, што ня бачыць для гэтага законных падставаў. Яны ўзьнікнуць зноў жа пасьля пакетнага прыняцьця зменаў у выбарчы закон і Канстытуцыю.
Чаму так настойвае Леанід Кучма на зьмяненьні Канстытуцыі за некалькі тыдняў да сканчэньня ягоных паўнамоцтваў. Дэпутат Юры Кармазін тлумачыць гэта імкненьнем Кучмы “пераўтварыць сваё паражэньне ў перамогу”.
Так званая палітычная рэформа прадугледжвае скарачэньне прэзыдэнцкіх паўнамоцтваў, прычым сфармаваны яшчэ Кучмам урад мае застацца і пасьля абраньня новага прэзыдэнта. Пайсьці на гэты плян, які нечакана падтрымалі лідэр сацпартыі Мароз і сьпікер Вярхоўнай Рады Літвін, блёк партыяў “Наша Ўкраіна” не пагаджаецца. Яна прапануе іншы варыянт палітычнай рэформы і настойвае, што спачатку трэба зьмяніць цяперашнюю ўладу, а ўжо потым – палітычную сыстэму Ўкраіны, гэта значыць, увесьці палітычную рэформу ў дзеяньне з 1 студзеня 2006 года альбо адначасова з абраньнем новага парлямэнту, – заявіў прадстаўнік “Нашай Украіны” Віктар Пінзэнык.
Сёньня “Наша Ўкраіна” вылучыла дадатковыя патрабаваньні да Леаніда Кучмы – адстаўка генпракурора і губэрнатараў-сэпаратыстаў з усходу Ўкраіны.
У Вярхоўнай радзе працягваюцца кансультацыі, на думку сьпікера парлямэнту Ўладзімера Літвіна, увесь пакет законапраектаў можа быць ухвалены на пазачарговым паседжаньні парлямэнту ў аўторак.
Дзейны прэзыдэнт Украіны Леанід Кучма раней сёньня зноў сабраў частку ўраду, без Януковіча, ў сваёй загараднай рэзыдэнцыі і заявіў сваю пазыцыю.
Упершыню ён ацаніў рашэньне Вярхоўнага суду, сказаўшы, што “яго трэба выконваць”.
(Кучма: ) “Я яшчэ раз хачу заявіць, што я гатовы на далейшыя крокі, каб зьняць нічым, на мой погляд, не матываваную напружанасьць у грамадзтве”.
Паводле Леаніда Кучмы, адстаўка ўраду Януковіча, чаго дамагаецца апазыцыя, і фармаваньне новага кабінэту магчымыя толькі ў выпадку зьмяненьняў Канстытуцыі.
Кучма зноў запатрабаваў, каб закон, які б забясьпечваў сумленнасьць выбарчага працэсу, і зьмены ў Канстытуцыі, што абмяжоўваюць правы прэзыдэнта, прымаліся адным пакетам. І ён нават гатовы іх падпісаць адразу ў сэсійнай зале парлямэнту.
Гаворачы пра патрабаваньні апазыцыі накіраваць у адстаўку ЦВК, Кучма заявіў, што ня бачыць для гэтага законных падставаў. Яны ўзьнікнуць зноў жа пасьля пакетнага прыняцьця зменаў у выбарчы закон і Канстытуцыю.
Чаму так настойвае Леанід Кучма на зьмяненьні Канстытуцыі за некалькі тыдняў да сканчэньня ягоных паўнамоцтваў. Дэпутат Юры Кармазін тлумачыць гэта імкненьнем Кучмы “пераўтварыць сваё паражэньне ў перамогу”.
Так званая палітычная рэформа прадугледжвае скарачэньне прэзыдэнцкіх паўнамоцтваў, прычым сфармаваны яшчэ Кучмам урад мае застацца і пасьля абраньня новага прэзыдэнта. Пайсьці на гэты плян, які нечакана падтрымалі лідэр сацпартыі Мароз і сьпікер Вярхоўнай Рады Літвін, блёк партыяў “Наша Ўкраіна” не пагаджаецца. Яна прапануе іншы варыянт палітычнай рэформы і настойвае, што спачатку трэба зьмяніць цяперашнюю ўладу, а ўжо потым – палітычную сыстэму Ўкраіны, гэта значыць, увесьці палітычную рэформу ў дзеяньне з 1 студзеня 2006 года альбо адначасова з абраньнем новага парлямэнту, – заявіў прадстаўнік “Нашай Украіны” Віктар Пінзэнык.
Сёньня “Наша Ўкраіна” вылучыла дадатковыя патрабаваньні да Леаніда Кучмы – адстаўка генпракурора і губэрнатараў-сэпаратыстаў з усходу Ўкраіны.
У Вярхоўнай радзе працягваюцца кансультацыі, на думку сьпікера парлямэнту Ўладзімера Літвіна, увесь пакет законапраектаў можа быць ухвалены на пазачарговым паседжаньні парлямэнту ў аўторак.