САНТ’ЯГА. Чылійскі суд пазбавіў недатыкальнасьці былога ваеннага кіраўніка краіны Аўгуста Піначэта. Суд разглядае яго магчымае дачыненьне да забойства генэрала Карласа Пратса. Ён быў забіты пры дапамозе замінаванай машыны. Гэта адбылося ў 1974 годзе ў Аргентыне, куды ўцёк Пратс, які лічыўся сымболем апазыцыі адносна ваеннага ўраду.
Гэта другі выпадак, калі Піначэта пазбавілі недатыкальнасьці. Больш за 3 тысячы чалавек загінулі або зьніклі падчас кіраваньня рэжыму Піначэта з 1973-га да 1990-га гадоў. Піначэта паставілі перад абліччам мноства парушэньняў правоў чалавека, аднак сам ён непасрэдна ніколі ня быў абвінавачаны ў гэтых злачынствах.