Папярэджаньне газэце вынесена за апублікаваны яшчэ ў верасьні артыкул галоўнага рэдактара Алены Раўбецкай “Здрада імем народу”, за які аўтарка была асуджана адміністрацыйным судом Ленінскага раёну Горадні. Яе абвінавацілі ў распаўсюдзе зьвестак, якія быццам абражаюць гонар і годнасьць прэзыдэнта. Нагадаю тыя радкі з артыкулу: “Рэфэрэндум (а безь яго трэцяга тэрміну не атрымаць), абвешчаны спадаром прэзыдэнтам, — гэта выклік грамадзтву. Трэба ня толькі ня мець сумленьня, але й валодаць “панскай” пагардай да плебсу, абсалютнай упэўненасьцю, што “плебс” нічога не разумее і не вырашае”.
За гэта Алене Раўбецкай быў прызначаны штраф на 1 мільён 300 тысяч рублёў. І менавіта за гэта газэта атрымала цяпер першае папярэджаньне і загад аб прыпыненьні дзейнасьці на тры месяцы. І папярэджаньне і загад аб прыпыненьні прыйшлі ў адным капэрце. Рэдакцыі нават не пакінулі шанцу абскардзіць папярэджаньне ў судзе.
За гэта Алене Раўбецкай быў прызначаны штраф на 1 мільён 300 тысяч рублёў. І менавіта за гэта газэта атрымала цяпер першае папярэджаньне і загад аб прыпыненьні дзейнасьці на тры месяцы. І папярэджаньне і загад аб прыпыненьні прыйшлі ў адным капэрце. Рэдакцыі нават не пакінулі шанцу абскардзіць папярэджаньне ў судзе.
