Гэты сабор будуецца ў буйным раёне Магілёва “Задняпроўе”. Гэта вялікі праект – вышыня царквы будзе 54 мэтры, яна ўмесьціць да 3-х тысячаў людзей. На будаўніцтва ахвяравалі вернікі, спонсары, выдаткоўваў грошы і Аляксандар Лукашэнка, аднак для ўзьвядзеньня сабору патрэбен яшчэ 1 мільярд рублёў. Таму і абвешчаны суботнік “Пабудуем храм разам!”
Прадпрыемствам і арганізацыям усіх формаў уласнасьці ў Магілёве прапанавана правесьці суботнік на працоўных месцах і пералічыць палову дзённага заробку на будаўніцтва праваслаўнага храму, а іншую палову пакінуць сабе для вырашэньня сацыяльных праблемаў.
Як паставіліся да ідэі суботніка магілёўцы? Меркаваньні на гэты конт падзяліліся. Паслухайце некалькі з тых, што я запісала на магілёўскіх вуліцах:
(Спадарыня: ) “Гэта справа такая сьвятая. Не ведаю, цяпер неяк больш вернікаў. Гэта добрая справа”.
(Іншая спадарыня: ) “Цудоўна, грошы павінны быць выдаткаваныя”.
(Спадар: ) “Гэта проста глупства!”
(Іншыя спадар: ) “Ну які можа быць суботнік для будаўніцтва храма? Ну навошта пазбаўляць мяне магчымасьці быць атэістам? Мне гэта незразумела”.
(Спадар: ) “Я мяркую, што ад таго, што будзе “прымушалаўка”, ні вернікам, ні людзям, ні самому храму ад гэтага лепей не стане”.
У Магілёве жывуць ня толькі праваслаўныя вернікі. Ёсьць яшчэ каталікі, пратэстанты, уніяты, іўдэі, мусульмане… Ці, як казаў толькі што магілёвец, атэісты. Ці пагодзяцца яны працаваць дзеля будаўніцтва праваслаўнага храма?
З такім пытаньнем я зьвярнулася да начальніка аддзелу ідэалёгіі Магілёўскага гарвыканкаму Алы Сушковай. Яна падкрэсьліла, што суботнік – справа добраахвотная, і рашэньне наконт удзелу ў ім прымаюцца працоўным калектывам. А вось якое выйсьце, паводле Алы Сушковай, можа быць для вернікаў іншых канфэсіяў:
(Сушкова: ) “Яны могуць напісаць заяву, што яны не хочуць адлічаць сродкі на будаўніцтва храма. Гэта залежыць ад іх абавязку, сумленьня і веры”.
Разам з тым супрацоўнікі розных установаў у прыватных размовах распавядаюць, што зноў дзейнічае формула “добраахвотна-прымусовай” справы. Аднак людзі гавораць, што давядзецца ісьці на суботнік, бо некаторыя кіраўнікі паабяцалі скласьці “чорныя” сьпісы. Магілёўцы асьцерагаюцца, што ва ўмовах кантрактнай сыстэмы тым, хто ня згодны з прапановамі ўлады, можа вельмі хутка не знайсьціся працоўнага месца і заробку.
Прадпрыемствам і арганізацыям усіх формаў уласнасьці ў Магілёве прапанавана правесьці суботнік на працоўных месцах і пералічыць палову дзённага заробку на будаўніцтва праваслаўнага храму, а іншую палову пакінуць сабе для вырашэньня сацыяльных праблемаў.
Як паставіліся да ідэі суботніка магілёўцы? Меркаваньні на гэты конт падзяліліся. Паслухайце некалькі з тых, што я запісала на магілёўскіх вуліцах:
(Спадарыня: ) “Гэта справа такая сьвятая. Не ведаю, цяпер неяк больш вернікаў. Гэта добрая справа”.
(Іншая спадарыня: ) “Цудоўна, грошы павінны быць выдаткаваныя”.
(Спадар: ) “Гэта проста глупства!”
(Іншыя спадар: ) “Ну які можа быць суботнік для будаўніцтва храма? Ну навошта пазбаўляць мяне магчымасьці быць атэістам? Мне гэта незразумела”.
(Спадар: ) “Я мяркую, што ад таго, што будзе “прымушалаўка”, ні вернікам, ні людзям, ні самому храму ад гэтага лепей не стане”.
У Магілёве жывуць ня толькі праваслаўныя вернікі. Ёсьць яшчэ каталікі, пратэстанты, уніяты, іўдэі, мусульмане… Ці, як казаў толькі што магілёвец, атэісты. Ці пагодзяцца яны працаваць дзеля будаўніцтва праваслаўнага храма?
З такім пытаньнем я зьвярнулася да начальніка аддзелу ідэалёгіі Магілёўскага гарвыканкаму Алы Сушковай. Яна падкрэсьліла, што суботнік – справа добраахвотная, і рашэньне наконт удзелу ў ім прымаюцца працоўным калектывам. А вось якое выйсьце, паводле Алы Сушковай, можа быць для вернікаў іншых канфэсіяў:
(Сушкова: ) “Яны могуць напісаць заяву, што яны не хочуць адлічаць сродкі на будаўніцтва храма. Гэта залежыць ад іх абавязку, сумленьня і веры”.
Разам з тым супрацоўнікі розных установаў у прыватных размовах распавядаюць, што зноў дзейнічае формула “добраахвотна-прымусовай” справы. Аднак людзі гавораць, што давядзецца ісьці на суботнік, бо некаторыя кіраўнікі паабяцалі скласьці “чорныя” сьпісы. Магілёўцы асьцерагаюцца, што ва ўмовах кантрактнай сыстэмы тым, хто ня згодны з прапановамі ўлады, можа вельмі хутка не знайсьціся працоўнага месца і заробку.