ДАМАСК. Прэзыдэнт Сырыі Башар Асад гатовы аднавіць мірныя перамовы з Ізраілем без усялякіх папярэдніх умоваў. Пра гэта паведаміў сёньня на прэсавай канфэрэнцыі ў Дамаску спэцыяльны каардынатар ААН па Блізкаму Ўсходу Тэр’е Рэд-Ларсэн пасьля перамоваў з Башар Асадам і міністрам замежных справаў Фарукам Аш-Шараа. Пяпярэдні раўнд перамоваў паміж Сырыяй і Ізраілем быў перарваны ў 2000 г.