Лінкі ўнівэрсальнага доступу

Былы прэм’ер Беларусі Вячаслаў Кебіч не выключае ўвядзеньне надзвычайнага становішча ва Ўкраіне


Ганна Соусь, Менск Былы прэм’ер-міністар Беларусі Вячаслаў Кебіч не выключае, што перамогу на прэзыдэнцкіх выбарах ва Ўкраіне не атрымаюць ані Віктар Юшчанка, ані Віктар Януковіч. “Такі варыянт магчымы ў выпадку, калі дзейны прэзыдэнт Леанід Кучма ўвядзе надзвычайнае становішча, калі сытуацыя выйдзе з-пад кантролю”.

Пра гэта Вячаслаў Кебіч заявіў у інтэрвію агенцтву “Інтэрфакс”.

Паводле былога прэм’ера Беларусі, перамога любога з кандыдатаў можа прывесьці да сумных наступстваў.

Вячаслаў Кебіч заўважыў з іроніяй, што калі б выбары ва Ўкраіне адбываліся ў адпаведнасьці з выбарчымі правіламі ЗША, перамогу атрымаў бы Віктар Юшчанка.

Што тычыцца беларускай сытуацыі, то паводле Вячаслава Кебіча “апазыцыі ў Беларусі няма”. Пры гэтым былы прэм’ер-міністар лічыць, што ўладам ня трэба зьвяртаць ўвагу на апазыцыю.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG