Па ўсёй краіне пашкоджана 120 школьных установаў, 160 будынкаў і 680 трансфарматарных падстанцыяў.
У Сьветлагорскім раёне абваліўся дах кароўніка, дзе знаходзіліся блізу сотні цялятаў. Ветрам абарвана амаль 200 кілямэтраў ліній электраперадачаў і праваднога вяшчаньня. Па іроніі лёсу, з гэтай жа прычыны амаль немагчыма датэлефанавацца да апэратыўнага штабу Міністэрства надзвычайных сытуацыяў, які акумулюе ўсю інфармацыю пра наступствы ўрагану. Праз памехі ў сувязі супрацоўнік міністэрства Кірыл Данілаў апавёў, што вядома пра адзін сьмяротны выпадак у Гомелі: загінула супрацоўніца мясцовага хлебазаводу.
(Данілаў: ) “Адзіны выпадак — загінула 26-гадовая Натальля Цімашэнка, яе забіла зламаным дрэвам. Два чалавекі пры гэтым пацярпелі, былі шпіталізаваныя. А таксама яшчэ адна жанчына была дастаўленая ў шпіталь, ёй аказалі мэдычную дапамогу і адпусьцілі дахаты. Усяго пацярпелі 732 населеныя пункты, 715 былі абясточаныя”.
Наступствы ўчорашняй стыхіі сёньня можна ўбачыць нават у цэнтры сталіцы. На Кастрычніцкай плошчы — там, дзе яшчэ нядаўна вісеў вялізны агітацыйны плякат за рэфэрэндум, ветрам пагнутыя нават мэталічныя канструкцыі.
На праспэкце Скарыны сарваныя некалькі расьцяжак і ілюмінацыя. У нейкім сэнсе камічным можна назваць такі прыклад: вецер сарваў рэклямны шчыт, на якім было напісана “Правер стыхію на трываласьць”.
У сквэры на вуліцы Леніна вырвана з каранямі некалькі маладых дрэваў. Таксама поўна гальля і адламаных галінаў у сквэры каля рэзыдэнцыі Аляксандра Лукашэнкі. Апроч таго, на некаторых аўтобусных прыпынках ветрам павыбівала шкло.
Паводле сталічных уладаў, наступствы стыхіі ў Менску не такія істотныя, як у іншых рэгіёнах краіны. Тлумачыцца гэта тым, што ў горадзе вецер “тушыцца” будынкамі, тады як на адкрытай прасторы паказвае ўсю сваю сілу. Небясьпека, якой найбольш баяліся, — моцны дождж, зь якім ня справілася б ліўневая каналізацыя. У гэтым выпадку некаторыя вуліцы маглі ператварыцца ў імправізаваныя каткі. Расказвае прадстаўніца Менскага гарвыканкаму Алена Аўрынская:
(Аўрынская: ) “Калі пачалі масьціць пліткай ходнікі, спачатку думалі, што гэта нікому не патрэбна. А цяпер бачым, што гэта экалягічна важна, бо сьцёк у шчыліны паміж пліткамі таксама ёсьць — не суцэльны ж асфальт! І таму больш суха атрымліваецца”.
Сыноптыкі тым часам папярэджваюць, што цыклён можа вярнуцца ў Беларусь ужо ў панядзелак.
У Сьветлагорскім раёне абваліўся дах кароўніка, дзе знаходзіліся блізу сотні цялятаў. Ветрам абарвана амаль 200 кілямэтраў ліній электраперадачаў і праваднога вяшчаньня. Па іроніі лёсу, з гэтай жа прычыны амаль немагчыма датэлефанавацца да апэратыўнага штабу Міністэрства надзвычайных сытуацыяў, які акумулюе ўсю інфармацыю пра наступствы ўрагану. Праз памехі ў сувязі супрацоўнік міністэрства Кірыл Данілаў апавёў, што вядома пра адзін сьмяротны выпадак у Гомелі: загінула супрацоўніца мясцовага хлебазаводу.
(Данілаў: ) “Адзіны выпадак — загінула 26-гадовая Натальля Цімашэнка, яе забіла зламаным дрэвам. Два чалавекі пры гэтым пацярпелі, былі шпіталізаваныя. А таксама яшчэ адна жанчына была дастаўленая ў шпіталь, ёй аказалі мэдычную дапамогу і адпусьцілі дахаты. Усяго пацярпелі 732 населеныя пункты, 715 былі абясточаныя”.
Наступствы ўчорашняй стыхіі сёньня можна ўбачыць нават у цэнтры сталіцы. На Кастрычніцкай плошчы — там, дзе яшчэ нядаўна вісеў вялізны агітацыйны плякат за рэфэрэндум, ветрам пагнутыя нават мэталічныя канструкцыі.
На праспэкце Скарыны сарваныя некалькі расьцяжак і ілюмінацыя. У нейкім сэнсе камічным можна назваць такі прыклад: вецер сарваў рэклямны шчыт, на якім было напісана “Правер стыхію на трываласьць”.
У сквэры на вуліцы Леніна вырвана з каранямі некалькі маладых дрэваў. Таксама поўна гальля і адламаных галінаў у сквэры каля рэзыдэнцыі Аляксандра Лукашэнкі. Апроч таго, на некаторых аўтобусных прыпынках ветрам павыбівала шкло.
Паводле сталічных уладаў, наступствы стыхіі ў Менску не такія істотныя, як у іншых рэгіёнах краіны. Тлумачыцца гэта тым, што ў горадзе вецер “тушыцца” будынкамі, тады як на адкрытай прасторы паказвае ўсю сваю сілу. Небясьпека, якой найбольш баяліся, — моцны дождж, зь якім ня справілася б ліўневая каналізацыя. У гэтым выпадку некаторыя вуліцы маглі ператварыцца ў імправізаваныя каткі. Расказвае прадстаўніца Менскага гарвыканкаму Алена Аўрынская:
(Аўрынская: ) “Калі пачалі масьціць пліткай ходнікі, спачатку думалі, што гэта нікому не патрэбна. А цяпер бачым, што гэта экалягічна важна, бо сьцёк у шчыліны паміж пліткамі таксама ёсьць — не суцэльны ж асфальт! І таму больш суха атрымліваецца”.
Сыноптыкі тым часам папярэджваюць, што цыклён можа вярнуцца ў Беларусь ужо ў панядзелак.