Лінкі ўнівэрсальнага доступу

logo-print

Абсталяваньне, з дапамогай якога шукалі целы зьніклых апазыцыянэраў, застанецца ў КГБ


Алег Грузьдзіловіч, Менск Менскі гарадзкі суд не задаволіў пазова Міхала Землякова зь Віцебску да КГБ. Землякоў патрабаваў вярнуць яму маёмасьць, адабраную КГБ падчас расьсьледаваньня крымінальнай справы супраць актывістаў арганізацыі “Край”.

У 2001 годзе актывісты “Краю” выкарыстоўвалі адмысловае абсталяваньне, якое належала Міхаілу Землякову, у тым ліку мэталашукальнікі, для пошуку целаў зьніклых апазыцыянэраў Віктара Ганчара і Анатоля Красоўскага. Гэтай справы ім завершыць не ўдалося, з прычыны пагрозаў яны ўцяклі за мяжу, абсталяваньне канфіскавалі. З таго часу Міхал Землякоў, бацька аднаго з актывістаў “Краю”, беспасьпяхова дамагаецца вяртаньня сваёй маёмасьці.
XS
SM
MD
LG