Праект міжнароднага вяшчаньня яшчэ на пачатку году ўхваліў Аляксандар Лукашэнка, і цяпер “Беларусь ТБ” знаходзіцца на ягоным асабістым кантролі. Апошнім разам пра важнасьць каналу Лукашэнка шмат казаў на сустрэчы з супрацоўнікамі Нацыянальнай тэлерадыёкампаніі незадоўга да рэфэрэндуму. І тады былі акрэсьленыя стратэгічныя кірункі вяшчаньня. Пра гэта ўзгадвае былы кіраўнік Беларускага тэлебачаньня Генадзь Бураўкін.
(Бураўкін: ) “Гэта жаданьне пашырыць зону ўзьдзеяньня тэлебачаньня. Ахапіць Бранскую, Смаленскую, Чарнігаўскую вобласьці, дзе так “чакаюць” нашае тэлебачаньне, што проста гэта ледзьве не самая галоўная задача... Ня думаю, што так ужо чакаюць там нашых тэлеперадачаў, маючы магчымасьць бачыць досыць прафэсійныя расейскія і ўкраінскія праграмы. Тут чыста палітычная мэта: тое, да чаго ўжо прызвычаіліся мы, распаўсюдзіць на блізкія вобласьці Расеі і Ўкраіны, тым самым імкнучыся заваяваць падтрымку за мяжой. Якой, бясспрэчна, нашаму кіраўніцтву не хапае”.
Праект вяшчаньня пад маркай “Беларусь ТБ” рэалізуе Нацыянальная тэлерадыёкампанія сумесна зь Міністэрствам сувязі. Дзеля функцыянаваньня каналу ўжо створаны адмысловы прадусарскі цэнтар. Што да зьместу каналу, то, паводле прадстаўніцы тэлерадыёкампаніі Сьвятланы Краскоўскай, праграмнае насычэньне для ўнутранага й зьнешняга карыстаньня, будзе, збольшага, аднолькавае. За выключэньнем ліцэнзійных праграмаў.
(Краскоўская: ) “Калі і ўзьнікнуць складанасьці, то толькі на праграмы, на якія набытыя эксклюзіўныя правы і, паводле дамоваў, прадугледжваецца права вяшчаньня на тэрыторыю Беларусі. Іншымі словамі, гэтыя праграмы ў замежным эфіры будуць замяшчацца... Як кажа наш генэральны прадусар, гэта нават не канал, а міжнародная ліцэнзійна-ачышчаная вэрсія беларускага тэлебачаньня”.
Дадам, што генэральным прадусарам “Беларусь ТБ” прызначаны Віктар Маючы, які дагэтуль кіраваў Гомельскай тэлерадыёкампаніяй, а потым быў начальнікам аддзелу ацэнкі экспэртнай дзейнасьці Белтэлерадыёкампаніі.
Прадстаўнікі іншых беларускіх каналаў спадзяюцца, што таксама будуць далучаныя да прапаганды цяперашніх дзяржаўнай каштоўнасьцяў за межамі і ўнутры краіны. Свае паслугі кіраўніцтву тэлерадыёкампаніі прапануе генэральны дырэктар “Сталічнага тэлебачаньня” Аляксандар Зімоўскі.
(Зімоўскі: ) “Калі Белтэлерадыёкампанія выявіць інтарэс да таго, каб на спадарожнікавы канал падаваўся і прадукт СТВ (якіясьці цыклавыя праграмы), каля яны палічаць іх вартымі, каб складалі частку праграмнага насычэньня новага каналу, то, натуральна, мы з гатоўнасьцю падключымся”.
Пакуль жа Белтэлерадыёкампанія абыходзіцца без паслугаў спадара Зімоўскага. На стадыі падпісаньня знаходзяцца пратаколы з шэрагам заходніх тэлевізійных вяшчальных зьвязаў, у якіх указана, што насычэньне праграмаў каналу “Беларусь ТБ” будзе адбывацца коштам Першага нацыянальнага каналу, каналу “Лад” і фондаў Беларускага тэлебачаньня.
(Бураўкін: ) “Гэта жаданьне пашырыць зону ўзьдзеяньня тэлебачаньня. Ахапіць Бранскую, Смаленскую, Чарнігаўскую вобласьці, дзе так “чакаюць” нашае тэлебачаньне, што проста гэта ледзьве не самая галоўная задача... Ня думаю, што так ужо чакаюць там нашых тэлеперадачаў, маючы магчымасьць бачыць досыць прафэсійныя расейскія і ўкраінскія праграмы. Тут чыста палітычная мэта: тое, да чаго ўжо прызвычаіліся мы, распаўсюдзіць на блізкія вобласьці Расеі і Ўкраіны, тым самым імкнучыся заваяваць падтрымку за мяжой. Якой, бясспрэчна, нашаму кіраўніцтву не хапае”.
Праект вяшчаньня пад маркай “Беларусь ТБ” рэалізуе Нацыянальная тэлерадыёкампанія сумесна зь Міністэрствам сувязі. Дзеля функцыянаваньня каналу ўжо створаны адмысловы прадусарскі цэнтар. Што да зьместу каналу, то, паводле прадстаўніцы тэлерадыёкампаніі Сьвятланы Краскоўскай, праграмнае насычэньне для ўнутранага й зьнешняга карыстаньня, будзе, збольшага, аднолькавае. За выключэньнем ліцэнзійных праграмаў.
(Краскоўская: ) “Калі і ўзьнікнуць складанасьці, то толькі на праграмы, на якія набытыя эксклюзіўныя правы і, паводле дамоваў, прадугледжваецца права вяшчаньня на тэрыторыю Беларусі. Іншымі словамі, гэтыя праграмы ў замежным эфіры будуць замяшчацца... Як кажа наш генэральны прадусар, гэта нават не канал, а міжнародная ліцэнзійна-ачышчаная вэрсія беларускага тэлебачаньня”.
Дадам, што генэральным прадусарам “Беларусь ТБ” прызначаны Віктар Маючы, які дагэтуль кіраваў Гомельскай тэлерадыёкампаніяй, а потым быў начальнікам аддзелу ацэнкі экспэртнай дзейнасьці Белтэлерадыёкампаніі.
Прадстаўнікі іншых беларускіх каналаў спадзяюцца, што таксама будуць далучаныя да прапаганды цяперашніх дзяржаўнай каштоўнасьцяў за межамі і ўнутры краіны. Свае паслугі кіраўніцтву тэлерадыёкампаніі прапануе генэральны дырэктар “Сталічнага тэлебачаньня” Аляксандар Зімоўскі.
(Зімоўскі: ) “Калі Белтэлерадыёкампанія выявіць інтарэс да таго, каб на спадарожнікавы канал падаваўся і прадукт СТВ (якіясьці цыклавыя праграмы), каля яны палічаць іх вартымі, каб складалі частку праграмнага насычэньня новага каналу, то, натуральна, мы з гатоўнасьцю падключымся”.
Пакуль жа Белтэлерадыёкампанія абыходзіцца без паслугаў спадара Зімоўскага. На стадыі падпісаньня знаходзяцца пратаколы з шэрагам заходніх тэлевізійных вяшчальных зьвязаў, у якіх указана, што насычэньне праграмаў каналу “Беларусь ТБ” будзе адбывацца коштам Першага нацыянальнага каналу, каналу “Лад” і фондаў Беларускага тэлебачаньня.
