Аб’яднаная грамадзянская партыя ўжо падрыхтавала віншаваньне з нагоды перамогі Джорджа Буша на прэзыдэнцкіх выбарах і Рэспубліканскай партыі на парлямэнцкіх выбарах. Гаворыць лідэр АГП Анатоль Лябедзька:
(Лябедзька: ) “Мы апэратыўна падрыхтавалі віншаваньні для прэзыдэнта Буша. Мы таксама накіроўваем свае віншаваньні й камандзе рэспубліканцаў, якія атрымалі перамогу на парлямэнцкіх выбарах. Мы па-добраму зайздросьцім краінам, дзе ў людзей ёсьць права выбару. Я думаю, што праз пэўны прамежак часу Беларусь зможа добра ўзаемадзейнічаць з адміністрацыяй Буша і працаваць на дабрабыт мільёнаў людзей. Гэта на сёньняшні дзень не выкарыстоўваецца, і вельмі шкада. Калі будуць зьмены да дэмакратыі, мы можам выкарыстоўваць супрацоўніцтва з ЗША”.
Былы міністар абароны Беларусі Павал Казлоўскі станоўча ацэньвае перамогу на прэзыдэнцкіх выбарах у ЗША Джорджа Буша:
(Казлоўскі: ) “У ЗША выбары прэзыдэнта — Буш, Кэры, ці нехта другі — звычайна не нясуць вялікіх зьменаў у іхнай палітыцы. Маглі б быць зьмены ў зьнешняй палітыцы. Тое, што застаўся Буш, я думаю, для Беларусі гэта добра. Незадоўга да выбараў ён падпісаў “Акт аб дэмакратыі ў Беларусі”. І думаю, гэта пастаянная палітыка — каб у Беларусі будавалася дэмакратычная нармальная дзяржава, гэта добра”.
А старшыня Кангрэсу дэмакратычных прафсаюзаў Аляксандар Ярашук прызнаўся, што даўно сымпатызуе Джорджу Бушу:
(Ярашук: ) “Мне падавалася, што прэзыдэнт Буш больш шчыры й адкрыты чалавек, і таму я больш яму сымпатызаваў. І, як мне падаецца, гэтая рыса характару, магчыма, таксама была больш прывабная і для амэрыканцаў. Напярэдадні выбараў прэзыдэнт падпісаў таксама “Акт аб дэмакратыі ў Беларусі”. Напэўна палітыка, якую будзе ажыцьцяўляць гэтая краіна ў дачыненьні да Беларусі, будзе ў рэчышчы менавіта гэтага акту”.
(Лябедзька: ) “Мы апэратыўна падрыхтавалі віншаваньні для прэзыдэнта Буша. Мы таксама накіроўваем свае віншаваньні й камандзе рэспубліканцаў, якія атрымалі перамогу на парлямэнцкіх выбарах. Мы па-добраму зайздросьцім краінам, дзе ў людзей ёсьць права выбару. Я думаю, што праз пэўны прамежак часу Беларусь зможа добра ўзаемадзейнічаць з адміністрацыяй Буша і працаваць на дабрабыт мільёнаў людзей. Гэта на сёньняшні дзень не выкарыстоўваецца, і вельмі шкада. Калі будуць зьмены да дэмакратыі, мы можам выкарыстоўваць супрацоўніцтва з ЗША”.
Былы міністар абароны Беларусі Павал Казлоўскі станоўча ацэньвае перамогу на прэзыдэнцкіх выбарах у ЗША Джорджа Буша:
(Казлоўскі: ) “У ЗША выбары прэзыдэнта — Буш, Кэры, ці нехта другі — звычайна не нясуць вялікіх зьменаў у іхнай палітыцы. Маглі б быць зьмены ў зьнешняй палітыцы. Тое, што застаўся Буш, я думаю, для Беларусі гэта добра. Незадоўга да выбараў ён падпісаў “Акт аб дэмакратыі ў Беларусі”. І думаю, гэта пастаянная палітыка — каб у Беларусі будавалася дэмакратычная нармальная дзяржава, гэта добра”.
А старшыня Кангрэсу дэмакратычных прафсаюзаў Аляксандар Ярашук прызнаўся, што даўно сымпатызуе Джорджу Бушу:
(Ярашук: ) “Мне падавалася, што прэзыдэнт Буш больш шчыры й адкрыты чалавек, і таму я больш яму сымпатызаваў. І, як мне падаецца, гэтая рыса характару, магчыма, таксама была больш прывабная і для амэрыканцаў. Напярэдадні выбараў прэзыдэнт падпісаў таксама “Акт аб дэмакратыі ў Беларусі”. Напэўна палітыка, якую будзе ажыцьцяўляць гэтая краіна ў дачыненьні да Беларусі, будзе ў рэчышчы менавіта гэтага акту”.
